టాలీవుడ్ స్టైలిష్ స్టార్ నుంచి పాన్ ఇండియా సినిమాతో ఐకాన్ స్టార్ గా మారిన అల్లు అర్జున్ ప్రస్తుతం పుష్ప సెకండ్ పార్ట్ కోసం మరింత బలంగా సిద్ధమవుతున్న విషయం తెలిసిందే. ఒక విధంగా ఆ సినిమా ఊహించినదానికంటే మంచి విజయాన్ని అందుకోవడంతో అల్లు అర్జున్ తదుపరి సినిమా విషయంలో మరిన్ని జాగ్రత్తలు తీసుకుంటున్నాడు. అంతేకాకుండా భవిష్యత్తులో రాబోయే సినిమాలు కూడా అంతకు మించి అనేలా ఉండాలి అని ఆలోచిస్తున్నాడు.
Click Here To Watch NEW Trailer
ప్రస్తుతం అతని ఫోకస్ బాలీవుడ్ దర్శకుల పై కూడా పడింది అని సమాచారం. ఇక ఇటీవల కొంత మంది బాలీవుడ్ దర్శకులులను కూడా ప్రత్యేకంగా కలిసే ప్రయత్నాలు చేసినట్లు మీడియాలో అనేక రకాల కథనాలు వెలువడ్డాయి. ముఖ్యంగా సంజయ్ లీలా బన్సాలీ తో కూడా అల్లు అర్జున్ చర్చలు జరుపుతున్నట్లుగా ఒక టాక్ వచ్చిన విషయం తెలిసిందే. కానీ అందులో ఎలాంటి నిజం లేదు అని ఆ తర్వాత అల్లు అర్జున్ సన్నిహితుల నుంచి ఒక క్లారిటీ వచ్చేసింది.
అయితే అల్లు అర్జున్ బాలీవుడ్ ఇండస్ట్రీ లోకి వెళ్ళడానికి మరొక ముఖ్య కారణం కూడా ఉందట. తన తమ్ముడు అల్లు శిరీష్ కోసం కూడా అల్లు అర్జున్ బాలీవుడ్ ప్రముఖ కంపెనీలతో కూడా ప్రత్యేకంగా మాట్లాడుతున్నట్లు సమాచారం. కేవలం హీరోగానే కాకుండా అతనికి ముఖ్యమైన సినిమాలలో ఇతర పాత్రలతో మంచి హైప్ వచ్చేలా చేయాలని ఆలోచిస్తున్నారట. గతంలో రానా దగ్గుబాటి ఇతర బాలీవుడ్ సినిమాలలో ప్రత్యేకమైన పాత్రలలో కనిపించిన విషయం తెలిసిందే.
ఆ విధంగా తను బాలీవుడ్ ప్రేక్షకులు కూడా కొంత దగ్గరయ్యాడు. ఇక ప్రస్తుతం అల్లు అర్జున్ తన తమ్ముడు అల్లు శిరీష్ కూడా అదే విధంగా కనీసం నార్త్ లో అయినా మంచి క్రేజ్ అందుకోవాలని ఆలోచిస్తున్నాడట. మరొకవైపు వారి తండ్రి అల్లు అరవింద్ కూడా బాలీవుడ్ అగ్ర నిర్మాత తో కూడా చర్చలు జరుపుతున్నట్లు తెలుస్తోంది. మరి అన్న అండతో అల్లు శిరీష్ కు బాలీవుడ్ లో ఏమైనా ఆఫర్లు వస్తాయో లేదో చూడాలి.
Most Recommended Video
ఒకే ఫ్యామిలీలో రెండు జెనెరేషన్స్ కు చెందిన హీరోలతో జోడీ కట్టిన భామల లిస్ట్..!
‘గాడ్ ఫాదర్’ తో పాటు టాలీవుడ్లో రీమేక్ కాబోతున్న 10 మలయాళం సినిమాలు..!
ఈ 10 సినిమాలు తెలుగులోకి డబ్ అయ్యాక కూడా రీమేక్ అయ్యాయని మీకు తెలుసా..!
