Allu Arjun: బన్నీ పాన్ ఇండియా ఆశలు తీరతాయా?

స్టార్ హీరో అల్లు అర్జున్ పుష్ప సినిమాతో పాన్ ఇండియా హీరోగా ఇమేజ్ ను సంపాదించుకోవాలని భావిస్తున్నారు. తెలుగుతో పాటు ఇతర భాషల్లో కూడా ఈ సినిమా రిలీజ్ కానుండగా మైత్రీ మూవీ మేకర్స్ భారీ బడ్జెట్ తో ఈ సినిమాను నిర్మిస్తోంది.. క్రిస్మస్ కానుకగా ఈ మూవీ రిలీజ్ కానుండగా ఈ సినిమా నుంచి ఈ నెల 13వ తేదీన ఫస్ట్ సింగిల్ రిలీజ్ కానుంది. అయితే కేజీఎఫ్ ఛాప్టర్ 2 కూడా క్రిస్మస్ కే రిలీజయ్యే అవకాశాలు ఎక్కువగా కనిపిస్తున్నాయి.

త్వరలో అఫీషియల్ గా కేజీఎఫ్ ఛాప్టర్ 2కు సంబంధించిన ప్రకటన వెలువడనుందని సమాచారం. పుష్ప పార్ట్1కు పోటీగా కేజీఎఫ్ ఛాప్టర్2 రిలీజైతే తెలుగులో ఇద్దరు హీరోలు నష్టపోయే అవకాశం ఉంది. ఇతర భాషల విషయంలో మాత్రం కేజీఎఫ్ ఛాప్టర్2 పుష్ప సినిమాకు గట్టి పోటీ ఇచ్చే అవకాశాలు ఉంటాయి. కేజీఎఫ్ ఛాప్టర్1 బ్లాక్ బస్టర్ హిట్ కావడంతో ఛాప్టర్2 కోసం ప్రేక్షకులు ఆసక్తిగా ఎదురుచూస్తున్నారు.

బాలీవుడ్ మీడియా సైతం కేజీఎఫ్ ఛాప్టర్2 సినిమాకు బాలీవుడ్ స్టార్ హీరోల సినిమాల స్థాయిలో పబ్లిసిటీ ఇస్తుండటం గమనార్హం. పుష్ప పార్ట్1 పోటీ లేకుండా అన్ని భాషల్లో విడుదలైతే అల్లు అర్జున్ పాన్ ఇండియా హీరో కావాలనే కోరిక తీరుతుందనడంలో సందేహం లేదు. అలా కాకుండా బన్నీ యశ్ సినిమాలు ఒకే సమయంలో విడుదలైతే మాత్రం బన్నీకి పాన్ ఇండియా హీరోగా గుర్తింపు రావడంలో కొంతమేర ఇబ్బందులు ఎదురయ్యే అవకాశాలు అయితే ఉంటాయి.

Most Recommended Video

నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!