Allu Arjun: మరో హీరో కోసం వెతుకుతున్న దిల్ రాజు!

April 20, 2021 / 02:16 PM ISTByFilmy Focus

Join Us

స్టార్ హీరో అల్లు అర్జున్ తను చేయాల్సిన ‘ఐకాన్’ ప్రాజెక్ట్ నుండి తప్పుకున్నాడని సమాచారం. నిర్మాత దిల్ రాజు ఇప్పుడు మరో హీరో కోసం వెతుకులాట మొదలెట్టారని ఇండస్ట్రీ వర్గాల ద్వారా తెలుస్తోంది. ఇప్పుడు ఈ న్యూస్ మీడియా సర్కిల్స్ లో హాట్ టాపిక్ గా మారింది. ముందుగా ఈ సినిమాను వేణుశ్రీరామ్ డైరెక్షన్ లో అల్లు అర్జున్ హీరోగా తీయాలనుకున్నారు. దిల్ రాజు భారీ బడ్జెట్ తో ఈ సినిమాను నిర్మించడానికి ముందుకొచ్చారు. దీనిపై అధికార ప్రకటన కూడా వచ్చింది.

‘పుష్ప’ సినిమా తరువాత అల్లు అర్జున్ చేయబోయేది ‘ఐకాన్’ సినిమానే అని అనుకున్నారు. కానీ ఇప్పుడు ఈ ప్రాజెక్ట్ నుండి బన్నీ తప్పుకున్నాడట. దానికి కారణం.. ఈ సినిమా స్క్రిప్ట్ లో బన్నీ కీలకమార్పులు చేయాలని సూచించారట. ఈ విషయంలో బన్నీకి దర్శకనిర్మాతలకు మధ్య క్రియేటివ్ డిఫరెన్సెస్ వచ్చినట్లు సమాచారం. అందుకే బన్నీ ఈ సినిమా నుండి తప్పుకోవాలనుకుంటున్నాడట. రీసెంట్ గా దిల్ రాజు ఓ ఇంటర్వ్యూలో తన తదుపరి సినిమా ‘ఐకాన్’ అని.. వేణుశ్రీరామ్ డైరెక్ట్ చేస్తారని అన్నారు కానీ అల్లు అర్జున్ ప్రస్తావన తీసుకురాలేదు.

పైగా.. అల్లు అర్జున్ కి ‘ఐకాన్ స్టార్’ అనే బిరుదు తను ఇవ్వలేదని.. ఆయనే పెట్టుకున్నారని దిల్ రాజు అన్నారు. ఈ విషయంలో బన్నీ ఫ్యాన్స్ హర్ట్ అయ్యారు. ఈ కారణాలతోనే బన్నీ ‘ఐకాన్’ ప్రాజెక్ట్ నుండి తప్పుకున్నట్లు తెలుస్తోంది. దీంతో దిల్ రాజు మరో స్టార్ హీరో కోసం చూస్తున్నాడు. ప్రస్తుతం టాలీవుడ్ హీరోలంతా వరుస ప్రాజెక్ట్ లతో బిజీగా ఉన్నారు. మరి ‘ఐకాన్’ కి ఏ హీరో డేట్స్ ఇస్తారో చూడాలి!