సుకుమార్ ని ఆర్య సినిమా ద్వారా అల్లు అర్జున్ డైరక్టర్ గా పరిచయం చేశారు. ఆ తర్వాత వీరిద్దరి కలిసి ఆర్య 2 తీశారు. మళ్ళీ ఇద్దరూ కలిసి సినిమా చేయాలంటే కుదరలేదు. సుకుమార్ అల్లు అర్జున్ కి గతంలో కొన్ని కథలు వినిపించినా.. బన్నీ ఒకే చెప్పలేదు. రంగస్థలం సినిమా కథని కూడా మొదట సుకుమార్ బన్నీకి వినిపించారు. కానీ ఎలా వస్తుందనే అనుమానంతో అల్లు అర్జున్ వెనకడుగువేశారు. రంగస్థలం సినిమా చూసిన తర్వాత అందరూ ఆశ్చర్యపోతున్నారు. సుకుమార్ ఇలాంటి సినిమాలు కూడా తీయగలరా? అని షాక్ అవుతున్నారు.
రామ్ చరణ్ ని చూపించిన విధానానికి స్టార్ హీరోలు, డైరక్టర్లు సైతం సుకుమార్ ని అభినందిస్తున్నారు. ఈ సినిమా చూసిన తర్వాత అల్లు అర్జున్ పునరాలోచనలో పడ్డారు. ప్రస్తుతం బన్నీ వక్కంతం వంశీ దర్శకత్వంలో నా పేరు సూర్య చేస్తున్నారు. దీని తర్వాత మరో యువ దర్శకునితో సినిమా చేయాలనీ భావించారు. రంగస్థలం హిట్ చూసిన తర్వాత సుకుమార్ తోనే సినిమా చేయాలనీ ఫిక్స్ అయ్యారని ఫిలిం నగర్ వాసులు చెబుతున్నారు. ఇప్పటికే ఫోన్ చేసి కథ రెడీ చేయమని చెప్పినట్లు టాక్. అంతా సెట్ అయితే ఈ సినిమాని నిర్మించడానికి మైత్రీ మూవీస్ వారు సిద్ధంగా ఉన్నారు.
