అల్లు అయాన్… ఈ బుడ్డోడు మామూలోడు కాదు. ఇప్పుడు కాదు ఆ మధ్య చిన్నోడుగా ఉన్నప్పుడు ఓ సినిమా ప్రీ రిలీజ్‌ ఈవెంట్‌కి స్టేజీ మీదకు వస్తూ… ఏదో స్టార్‌ హీరో రేంజిలో ప్రేక్షకుల్ని రెండు చేతులు ఊపుతూ విష్‌ చేశాడు. బుడ్డ స్టైలిష్‌ స్టార్‌ అంటూ అప్పుడు అల్లు అర్జున్ ఫ్యాన్స్ తెగ మురిసిపోయాడు. ఆ తర్వాత కూడా అయాన్ అల్లరి, సందడి వీడియోలు సోషల్‌ మీడియాలో వైరల్‌ అవుతూ వస్తున్నాయి. తాజాగా మరోసారి వార్తల్లో నిలిచాడు అయాన్. అయితే ఈసారి కారణం బన్నీ చెప్పిన విషయాలే.
అల్లు అర్జున్ ఇప్పుడు ప్రపంచస్థాయిలో ఫేమస్. ‘పుష్ప’ సినిమాతో వరల్డ్ వైడ్‌గా అందరినీ ఆకర్షించాడు. ఇప్పుడు ‘పుష్ప 2’తో మరోసారి అలరించడానికి సిద్ధమవుతున్నడు. ఈ క్రమంలో బెర్లిన్ ఫిల్మ్ ఫెస్టివల్ ఈవెంట్‌కు బన్నీకి ఆహ్వానం అందింది. దీంతో బెర్లిన్ వెళ్లి అక్కడి ఈవెంట్‌లో పాల్గొన్నాడు. దీనికి సంబంధించిన ఫొటోలు, వీడియోలు ఇప్పుడు వైలర్‌ అవుతున్నాయి. ఈ క్రమంలో ఓ వీడియలో అయాన్ గురించి ప్రశ్న వస్తే సమాధానం చెప్పాడు.
బెర్లిన్‌తో తన ఫ్యాన్స్‌తో ముచ్చటిస్తున్న సమయంలో అయాన్ గురించి అభిమానుల నుండి ప్రశ్నలు వచ్చాయి. ‘మీ బుడ్డోడు ఎలా ఉన్నాడు?’ అంటూ అంటూ ఓ అభిమాని అడిగితే… దానికి బన్నీ నవ్వుతూ ‘అయాన్.. మోడల్ బోల్తే’ అంటూ అయాన్‌ను చిన్నగా ఇమిటేట్‌ చేశాడు. దీంతో ఆ వీడియో వైరల్‌గా మారింది. గతంలో అయాన్ చేసిన సందడికి సంబంధించిన వీడియోలను బన్నీ అభిమానులు షేర్‌ చేస్తూ జూనియర్‌ ఐకాన్‌ స్టార్‌ అని కామెంట్లు చేస్తున్నారు.
ఇక బన్నీ (Allu Arjun) సంగతి చూస్తే… సుకుమార్‌ దర్శకత్వంలో రూపొందుతున్న ‘పుష్ప 2’ను ఆగస్టు 15న రిలీజ్‌ చేస్తారని అనౌన్స్‌ చేశారు. అయితే వర్క్‌ ప్రొగెస్‌ గురించి వస్తున్న పుకార్ల నేపథ్యంలో సినిమా ఆ డేట్‌కి రావడం కష్టమే అంటున్నారు. ఆ డేట్‌ దగ్గరకు వచ్చేసరికి అసలు డేట్‌ చెబుతారు అని టాక్‌. అయితే లేదు లేదు ‘పుష్ప’రాజ్‌ రాక ఇండిపెండెన్స్‌ డేకి పక్కా అనేవాళ్లూ ఉన్నారు.
సుందరం మాస్టర్ సినిమా రివ్యూ & రేటింగ్!
మస్తు షేడ్స్ ఉన్నయ్ రా సినిమా రివ్యూ & రేటింగ్!
సిద్ధార్ధ్ రాయ్ సినిమా రివ్యూ & రేటింగ్!
