బన్నీతో యాత్ర డైరెక్టర్ మూవీ?

స్టైలిష్ స్టార్ బన్నీ నెక్స్ట్ మూవీ గురించి ఓ క్రేజీ గాసిప్ చక్కర్లు కొడుతుంది. దాని ప్రకారం పుష్ప మూవీ తరువాత ఆయన దర్శకుడు మహి రాఘవతో మూవీ చేస్తారట. ఆనందో బ్రహ్మ అనే ఓ హారర్ కామెడీ మూవీతో దర్శకుడిగా ఎంట్రీ ఇచ్చిన మహి రాఘవ గత ఏడాది దివంగత నేత వై ఎస్ రాజశేఖర్ రెడ్డి జీవిత కథ ఆధారంగా వచ్చిన యాత్ర మూవీ తెరకెక్కించారు. ఆ మూవీ విజయం సాధించడంతో ఆయన దర్శకుడిగా గుర్తింపు తెచ్చుకున్నారు. ఇక కొద్దిరోజుల క్రితం పీవీపీ ప్రొడక్షన్స్ బ్యానర్ లో సిండికేట్ అనే మూవీ చేస్తున్నట్లు ప్రకటించడం జరిగింది.

ఆ మూవీపై తరువాత ఎటువంటి అప్డేట్ లేదు. అలాంటిది ఏకంగా బన్నీతో మూవీ చేసే ఛాన్స్ కొట్టేశాడంటూ వార్తలు వస్తున్నాయి. మహి చెప్పిన స్టోరీ లైన్ నచ్చిందన్న బన్నీ, పూర్తి స్క్రిప్ట్ సిద్ధం చెయ్ మూవీ చేద్దాం అన్నారట. ఐతే ఈ వార్తను అసలు నమ్మొచ్చా అనే అనుమానం అందరిలోనూ ఉంది. సుకుమార్ తో చేస్తున్న పుష్ప మూవీ పూర్తి ఎప్పుడవుతుందో తెలియని పరిస్థితి. ఆ తరువాత ఆయన దిల్ రాజు నిర్మాణంలో వేణు శ్రీరామ్ దర్శకత్వంలో ఐకాన్ అనే మూవీ చేయాల్సివుంది.

ఈ రెండు ప్రాజెక్ట్స్ పూర్తి చేసేనాటికి బన్నీకి కనీసం 2022 వరకు సమయం పడుతుంది. ఈ లోపు మహి రాఘవ స్క్రిప్ట్ సిద్ధం చేసినా, బన్నీ అతన్ని నమ్మి మూవీ చేస్తాడని గట్టిగా చెప్పలేం. బన్నీ స్టార్ డమ్ బాగా పెరిగిపోవడంతో పాటు, మహి రాఘవ కేవలం రెండు చిత్రాలే చేశారు. అవేమి సంచలన విజయాలేమి కాదు. ఇక మూడేళ్ళ తరువాత అంటే ఆయన కోసం మరో స్టార్ డైరెక్టర్ సిద్ధంగా ఉంటాడు. కాబట్టి మహితో బన్నీ మూవీ చేస్తాడని ఖచ్చితంగా చెప్పలేం.

Most Recommended Video

15 డైరెక్టర్స్ కెరీర్ ను ఇబ్బందిలో పడేసిన సినిమాలు ఇవే!
కులాంతర వివాహాలు చేసుకొని ఆదర్శంగా నిలిచిన మన హీరోలు!
హీరోయిన్స్ కంటే ముందు బాలనటిగా అలరించిన తారల!