దర్శకధీరుడు రాజమౌళి తెరకెక్కిస్తున్న భారీ మల్టీ స్టారర్ చిత్రం ‘ఆర్.ఆర్.ఆర్’. అగ్ర నిర్మాత డివివి దానయ్య భారీ బడ్జెట్ తో ఈ చిత్రాన్ని నిర్మిస్తున్న సంగతి తెలిసిందే. పది భాషల్లో ఈ చిత్రాన్ని విడుదల చేయబోతున్నాడు రాజమౌళి. ప్రస్తుతం కొన్ని కీలక సన్నివేశాల్ని హైదరాబాద్ పరిసర ప్రాంతాల్లో చిత్రీకరిస్తున్నాడు రాజమౌళి. ఎన్టీఆర్ ఈ చిత్రంలో కొమరం భీమ్ గా కనిపిస్తుండగా.. మరో హీరో రాంచరణ్.. అల్లూరి సీతారామరాజు పాత్రని పోషిస్తున్నాడు.
ఇక ఈ చిత్రం కోసం రాజమౌళి ఓ పెద్ద స్కెచ్ వేసాడట. బాలీవుడ్ మెగాస్టార్ అమితాబ్ బచ్చన్ అలాగే టాలీవుడ్ సూపర్ స్టార్ మహేష్ బాబులతో ఈ చిత్రంలో కీలక పాత్ర పోషిస్తున్నాడట. అయితే మరీ ఎక్కువ ఆశపడకండి. ఈ చిత్రంలో వారు పోషించే పాత్రలు జస్ట్ వాయిస్ ఓవర్లు ఇవ్వడమే. ఈ చిత్రం హిందీ వెర్షన్ కు అమితాబ్ బచ్చన్.. అలాగే తెలుగు వెర్షన్ కు మహేష్ బాబు వాయిస్ ఓవర్ లు ఇవ్వబోతున్నారట. ఇటీవల వీరిద్దరిని రాజమౌళి కలిసి.. ఓకే అనిపించినట్టు సమాచారం. ఇది నిజమైతే.. ఈ చిత్రానికి అదనపు ఆకర్షణ అయ్యే అవకాశం ఉందని చెప్పడంలో సందేహం లేదు.
Most Recommended Video
అల్లు అర్జున్ ఆస్తుల వివరాలు
అత్యధిక లాభాలు తెచ్చిపెట్టిన మీడియం రేంజ్ హీరోల సినిమాలు ఇవే..!
