Prakash Raj, Trisha: ప్రకాశ్‌ రాజ్‌ రీట్వీట్‌.. త్రిష ఎమోజీలు చూశారా!

September 19, 2022 / 06:54 PM ISTByFilmy Focus

Join Us

Prakash Raj, Trisha: ప్రకాశ్‌ రాజ్‌ రీట్వీట్‌.. త్రిష ఎమోజీలు చూశారా!

ఆదివారం ఉదయం సోషల్‌ మీడియా ఓపెన్‌ చేయగానే ఓ సరదా వీడియో కనిపించింది. ఇటు ప్రకాశ్‌ రాజ్‌, అటువైపు త్రిష అభిమానులు.. ఆ వీడియో చూసి తెగ నవ్వుకున్నారు. కాసేపటికి ఆ వీడియోను ప్రకాశ్‌ రాజ్‌ రీట్వీట్‌ చేశాడు. అక్కడికి కాసేపటికి ఆ ఆ ట్వీట్‌కు త్రిష స్పందించింది. అంతగా రియాక్ట్‌ అయిన ఆ వీడియో ఏంటబ్బా అని అనుకుంటున్నారా? అదో ఫ్యాన్‌ మేడ్‌ మార్ఫ్‌డ్‌ వీడియో. అంతగా నవ్వేంత, ఆనందపడేంత కంటెంట్‌ అందులో ఏముంది అనేది మీరే చదవండి.

ఆ వీడియోను ఒకటి, రెండు సినిమాలు కాకుండా.. ప్రకాశ్‌ రాజ్‌ నటించిన కొన్ని తమిళ సినిమాల నుండి తీసుకున్నారు. వివిధ సందర్భాల్లో, వివిధ సినిమాల్లో ప్రకాశ్‌ రాజ్‌ ఫేస్‌ ఎక్స్‌ప్రెషన్స్‌, ఫీలింగ్స్‌ ఆ ఎడిటడ్‌ వీడియోలో చూడొచ్చు. వీడియో చూసేవాళ్లకు ఇదేదో ఒకే సినిమాలో సీన్‌ అనేంతగా మార్చారు. మొత్తంగా చెప్పాలంటే త్రిష గురించే ప్రకాశ్‌రాజ్‌ అంతగా ఎమోషనల్‌ అవుతున్నారేమో అనేలా ఉంటుందీ ఆ ఎడిట్‌. ప్రకాశ్‌రాజ్‌ ఓ సినిమాలో తన భార్య (తెరపై) ఫొటోను చూస్తూ గత జ్ఞాపకాల్లోకి వెళ్లి, కంటతడి పెట్టుకుంటారు.

ఆ సీన్‌లో భార్య ఫొటో ప్లేస్‌లో త్రిష ఫొటోను పెట్టారు. ముందుగా చెప్పినట్లు ప్రకాశ్‌రాజ్‌ బాధపడేది త్రిష కోసమే అనిపించేలా ఎడిట్‌ చేశారు. దీంతో ఆ వీడియో బాగా వైరల్‌గా మారింది. ఈ క్రమంలో ప్రకాశ్‌ ఆ వీడియోను ట్వీట్‌ చేస్తూ.. ‘‘ఈ ఎడిటింగ్‌ చేసిందెవరో తెలియదుగాని… చూస్తుంటే చాలా సంతోషంగా ఉంది’’ అని రాసుకొచ్చారు. అంతేకాదు ఆ వీడియోను త్రిష ట్విటర్‌కు ట్యాగ్‌ చేశారు కూడా.

దీనికి త్రిష రియాక్ట్‌ అవుతూ.. నవ్వుల ఎమోజీ పెట్టింది. ధనుష్‌ ‘తిరు’లో ప్రకాశ్‌రాజ్‌ కీలక పాత్ర పోషించారు. అందులోని భావోద్వేగ సన్నివేశాన్నే నెటిజన్‌ ఎడిట్‌ చేసి, ‘గిల్లీ’లోని సన్నివేశాలను అతికించాడు. నాయికా ప్రతినాయకులుగా, తండ్రీ కూతుళ్లుగా.. ఇలా ఎలా కనిపించినా ప్రకాశ్‌రాజ్‌ – త్రిష కాంబినేషన్‌ అదిరిపోయింది. ఇప్పుడు ఎడిటడ్‌ వీడియోలో కూడా.

Who ever did this .. made my day ❤️❤️ thank you for the love … CHELLAM s I love uuuuu #muthupandi #gilli ⁦@trishtrashers⁩ pic.twitter.com/K5F74stwfa

— Prakash Raj (@prakashraaj) September 18, 2022