‘వేదం’ సినిమా వెనుక అంత కథ నడిచిందా?

అల్లు అర్జున్, అనుష్క, మంచు మనోజ్ ప్రధాన పాత్రల్లో క్రిష్ తెరకెక్కిన ‘వేదం’ చిత్రం విడుదలయ్యి ఈరోజుతో 10 ఏళ్ళు పూర్తి చేసుకుంది. ‘ఆర్కా మీడియా వర్క్స్’ బ్యానర్ పై శోభు యార్లగడ్డ, ప్రసాద్ దేవినేని కలిసి ఈ చిత్రాన్ని నిర్మించారు. జూన్ 4 2010 లో విడుదలైన ఈ చిత్రం మంచి టాక్ ను సంపాదించుకున్నా పెద్దగా ఆడలేదు. కానీ ‘వేదం’ కచ్చితంగా ఓ మంచి చిత్రం అని మాత్రం ప్రేక్షకులు మెచ్చుకున్నారు. ఇదే చిత్రాన్ని తమిళంలో కూడా రీమేక్ చేశారు. వేశ్య సరోజా పాత్రలో అనుష్క, కేబుల్ రాజు పాత్రలో అల్లు అర్జున్, రాక్ స్టార్ వివేక్ గా మంచు మనోజ్ అద్భుతంగా నటించిన ఈ చిత్రం కథ ఎలా పుట్టింది అనే విషయాన్ని క్రిష్ ఇటీవల ఓ సంధర్భంలో చెప్పుకొచ్చింది.

‘గమ్యం’ చిత్రం తర్వాత క్రిష్ ఓ కమర్షియల్ సినిమా చేద్దాం అనుకున్నాడట. ‘ఆ టైములో ఉండవల్లి గుహలను చూడటానికి వెళ్ళారట. అక్కడ ఓ చిన్న పిల్లాడు ఓ వృద్ధుడు వేలు పట్టుకుని లాక్కెళ్లడం చూసి… ఆ దృశ్యాన్ని ఫోటో తీసారట. అక్కడ స్టార్ట్ అయ్యిందట ‘వేదం’ ప్రయాణం. ‘ఓ చిన్నపిల్లాడు వెట్టిచాకిరి చేస్తాడు’ అనే లైన్ పై కథ రాయడం మొదలు పెట్టాడట క్రిష్. ఆ తరువాత కేబుల్ రాజు, వేశ్య సరోజ, రాక్ స్టార్ వివేక్ పాత్రలను డిజైన్ చేసాడట. ‘గమ్యం’ తరువాత ఓ రోజు బన్నీ క్రిష్ కు ఫోన్ చేసి భోజనానికి వెళ్దాం అని అడిగాడట.

అలా తినడానికి వెళ్ళినప్పుడు కేబుల్ రాజు పాత్ర గురించి చెప్తే ఈ పాత్ర నేనె చేస్తాను… అని చెప్పాడట. తరువాత కథ పూర్తిగా చెప్పగా బన్నీనే ప్రొడ్యూస్ చేస్తాను అని భరోసా కూడా ఇచ్చాడట. ఇక రాక్ స్టార్ పాత్రకు ముందుగా రానా ని అనుకుంటే… ఆ టైములో అతను ‘లీడర్’ సినిమా చేస్తున్నాడట. దాంతో మనోజ్ కు చెప్తే అతను వెంటనే ఒప్పుకున్నట్టు తెలుస్తుంది. అనుష్క కు మాత్రం భయపడుతూనే ఆ వేశ్య పాత్ర గురించి చెప్పాడట క్రిష్. కానీ కథ విన్నాక ఆమె ఏడ్చేసిందట. అలా ‘వేదం’ ప్రయాణం మొదలైందని తెలుస్తుంది.

Most Recommended Video

మేకప్‌ లేకుండా మన టాలీవుడ్ ముద్దుగుమ్మలు ఎలా ఉంటారో తెలుసా?
జ్యోతిక ‘పొన్‌మగల్‌ వందాల్‌’ రివ్యూ
ఈ డైలాగ్ లు చెప్పగానే గుర్తొచ్చే హీరోయిన్లు!