Vishwambhara: ‘ఉస్తాద్’ కి ‘పెద్ది’ … ‘పెద్ది’ కి ‘విశ్వంభర’

March 4, 2026 / 01:28 PM ISTByPhani Kumar

Join Us

Vishwambhara: ‘ఉస్తాద్’ కి ‘పెద్ది’ … ‘పెద్ది’ కి ‘విశ్వంభర’

మెగా ఫ్యామిలీకి 2026 గట్టిగా కలిసొచ్చేలా కనిపిస్తుంది. ఆల్రెడీ సంక్రాంతికి చిరంజీవి ‘మన శంకర వరప్రసాద్ గారు’ అంటూ పెద్ద బ్లాక్ బస్టర్ కొట్టారు. రీజనల్ మూవీస్..లో ఇది ఇండస్ట్రీ హిట్ గా నిలిచింది.

మరో 3 వారాల్లో ‘ఉస్తాద్ భగత్ సింగ్’ తో పవన్ కళ్యాణ్ థియేటర్లలో సందడి చేయనున్నారు. ‘గబ్బర్ సింగ్’ వంటి ఆల్ టైం బ్లాక్ బస్టర్ తర్వాత హరీష్ శంకర్ దర్శకత్వంలో పవన్ కళ్యాణ్ చేసిన మాస్ మూవీ ఇది. ‘దేక్ లేంగే సాలా’ సాంగ్ చార్ట్ బస్టర్ అయ్యింది. తర్వాత ‘ఉస్తాద్ ఆరా’ కూడా బాగానే సౌండ్ చేసింది. ఇక గ్లిమ్ప్స్ ఏ రేంజ్లో ఇంపాక్ట్ చూపిందో ప్రత్యేకంగా చెప్పనవసరం లేదు. సో మొత్తంగా ‘ఉస్తాద్ భగత్ సింగ్’ పై పాజిటివ్ బజ్ ఉంది.

ustaad bhagat singh peddi vishwambhara

మరోపక్క రామ్ చరణ్ ‘పెద్ది’ పై కూడా భారీ అంచనాలు ఏర్పడ్డాయి. ఎటొచ్చి ‘విశ్వంభర'(Vishwambhara) ఒక్కటే కొంచెం అటు ఇటుగా అనిపిస్తుంది అంటూ మెగా అభిమానులు కంగారు పడుతున్నారు.ఇదిలా ఉంటే.. ‘ఉస్తాద్ భగత్ సింగ్’ సినిమా మార్చి 26న విడుదల కానుంది. 25నుండే ప్రీమియర్ షోలు పడనున్నాయి. అయితే ‘ఉస్తాద్ భగత్ సింగ్’ సినిమాకి ‘పెద్ది’ ట్రైలర్ ని అటాచ్ చేయబోతున్నారట మేకర్స్. ‘ఉస్తాద్..’ ని ‘మైత్రి మూవీ మేకర్స్’ సంస్థ నిర్మిస్తోంది.

‘పెద్ది’ కూడా నిర్మాణ భాగస్వామ్యం వహిస్తున్న సంగతి తెలిసిందే. ఇక ‘పెద్ది’ సినిమా ఏప్రిల్ 30న విడుదల కానుంది. ఏప్రిల్ 29 నుండే ప్రీమియర్ షోలు ప్లాన్ చేస్తున్నారు. ఈ నేపథ్యంలో ‘పెద్ది’ సినిమాకి కూడా మెగాస్టార్ చిరంజీవి నటిస్తున్న ‘విశ్వంభర’ గ్లిమ్ప్స్ ని అటాచ్ చేస్తున్నట్టు వినికిడి. రిలీజ్ డేట్ తో ‘విశ్వంభర’ గ్లిమ్ప్స్ ఉంటుందని వినికిడి.