ఈ మధ్య కాలంలో నాగబాబు సోషల్ మీడియా పోస్టులు చూస్తుంటే.. ఏదో కొత్తగా అనిపిస్తోంది కదూ. విలనిజం ఉట్టిపడేలా గెటప్‌లు వేసుకొని ఫొటోలు షేర్‌ చేస్తున్నాడు. ఒకసారి క్లాస్‌ విలన్‌లా, ఒకసారి మాస్‌ విలన్‌లా, ఒకసారి సాధారణ విలన్‌లా రకరకాల పోజులు పెడుతున్నాడు. కారణమేంటి, ఎందుకు, ఏమిటి లాంటి వివరాలు ఏవీ ఇవ్వడం లేదు. దీంతో ఇదేదో సరదాకి ఆ పోస్టుల పెడుతున్నాడులే అని కొందరు. నటుడు అవ్వాలని ఆయన కోరిక (చిరంజీవే చాలా సార్లు చెప్పారు) కారణంగా ఇలా పోస్టులు పెడుతున్నారని అనుకున్నారు. అయితే ఈ పోస్టుల వెనుక ఇంకో కారణం కూడా ఉందా? అవుననే అంటున్నాయి సినీ వర్గాలు.
నాగబాబు నిర్మాతగా పురస్కారం పొందారు. నటుడిగా మంచి పాత్రలు కూడా చేశారు. అయితే సీరియస్‌, పూర్తి స్థాయి పాత్రలో చేసిన సందర్భాలు చాలా తక్కువ. ఇప్పుడు పూర్తిస్థాయి నటుడు అవ్వాలని అనుకుంటున్నారేమో. ఎందుకంటే టాలీవుడ్‌లో వినిపిస్తున్న పుకార్లు అలా ఉన్నాయి మరి. అందులోనూ ఆయన పూర్తిస్థాయి నటుడిగా కనిపించబోయేది తెలుగు సినిమాలో కాదు.. బాలీవుడ్‌ సినిమాలో. అవును అది కూడా ప్రభాస్‌ సినిమా రీమేక్‌లో. అవును మీరు అనుకుంటున్నది నిజమే. ‘ఛత్రపతి’ రీమేక్‌లో.
బెల్లంకొండ సాయిశ్రీనివాస్‌ హీరోగా హిందీలో ‘ఛత్రపతి’ రీమేక్‌ చేస్తున్న విషయం తెలిసిందే. వి.వి.వినాయక్‌ దర్శకత్వం వహిస్తారని అంటున్నారు. అందులోనే నాగబాబు కనిపిస్తారనేది టాలీవుడ్‌ పుకారు. దీని మీద ఎవరూ ఇప్పటికివరకు స్పందించలేదు. అయితే నాగబాబు పోస్టుల్లో గెటప్‌లు చూసి అలా అనుకుంటున్నారో, లేక నిజమో తెలియదు కానీ ‘ఛత్రపతి’రీమేక్‌లో నాగబాబు అంటూ పుకార్లు వైరల్‌ అవుతున్నాయి. చూద్దాం ఇది ఎంతవరకు నిజమవుతాయో.
Most Recommended Video
చావు కబురు చల్లగా సినిమా రివ్యూ & రేటింగ్!
మోసగాళ్ళు సినిమా రివ్యూ & రేటింగ్!
శశి సినిమా రివ్యూ & రేటింగ్!
