Kick Movie: 14 ఏళ్ళ ‘కిక్’ వెనుక అంత కథ జరిగింది…!

‘ఆర్.ఆర్ మూవీ మేకర్స్’ బ్యానర్ పై ఆర్.ఆర్. వెంకట్ నిర్మించిన ‘కిక్’ చిత్రం 2009 మే 8 న విడుదలయ్యింది. స్టైలిష్ డైరెక్టర్ సురేందర్ తెరకెక్కించిన ఈ చిత్రంలో రవితేజ, ఇలియానా జంటగా నటించారు. వక్కంతం వంశీ ఈ చిత్రానికి కథ అందించగా తమన్ సంగీతం అందించాడు. సమ్మర్ కానుకగా విడుదల అయిన ఈ చిత్రం బ్లాక్ బస్టర్ గా నిలిచింది. రవితేజ … బ్రహ్మానందంతో చేసిన మాస్ కామెడీకి హౌస్ ఫుల్ బోర్డు లు పడ్డాయి.

ఇలియానా గ్లామర్ తో పాటు శ్యామ్ నటన.. అలాగే తమన్ సంగీతం కూడా పెద్ద ప్లస్ అని చెప్పాలి. 10 కోట్ల రవితేజ మార్కెట్ ను .. ఈ చిత్రం ఏకంగా 25 కోట్లు చేసింది. అంత పెద్ద బ్లాక్ బస్టర్ అయిన ఈ చిత్రాన్ని ఇప్పటికీ ప్రేక్షకులు టీవీల్లో ఎంజాయ్ చేస్తూనే ఉన్నారు. యూట్యూబ్ లో కూడా ఈ చిత్రం కామెడీ సీన్స్ ను బాగా ఎంజాయ్ చేస్తున్నారు. ఈరోజుతో ఈ చిత్రం వచ్చి 14 ఏళ్ళు పూర్తయ్యింది. అయితే ‘కిక్’ చిత్రాన్ని ముందుగా సురేందర్ రెడ్డి రవితేజ కోసం అనుకోలేదట.

ఇద్దరు స్టార్ హీరోలు రిజెక్ట్ చేస్తే … రవితేజ వద్దకు వచ్చింది. ఆ ఇద్దరు స్టార్ హీరోలు మరెవరో కాదు..యంగ్ రెబల్ స్టార్ ప్రభాస్.. మరియు యంగ్ టైగర్ ఎన్టీఆర్. అవును సురేందర్ రెడ్డి మొదట ప్రభాస్ తో ఈ చిత్రాన్ని తెరకెక్కించాలి అనుకున్నాడట. కారణాలు ఏంటో తెలీదు కానీ ప్రభాస్ ఈ ప్రాజెక్ట్ ను రిజెక్ట్ చేసాడు. తరువాత ఎన్టీఆర్ వద్దకు తీసుకెళ్తే అతను కూడా రిజెక్ట్ చేసాడట. దీంతో రవితేజ తో తీసి డబుల్ బ్లాక్ బస్టర్ కొట్టాడు సురేంద్ర రెడ్డి.

Most Recommended Video