పాన్ ఇండియా స్టార్ ప్రభాస్ ప్రస్తుతం చేతినిండా సినిమాలతో క్షణం ఖాళీ లేకుండా గడుపుతున్నాడు. ‘రాధే శ్యామ్’ చిత్రం తుది దశలో ఉంది. జూలై లో ఈ చిత్రం ప్రేక్షకుల ముందుకు రాబోతుంది. దాని పోస్ట్ ప్రొడక్షన్ పనుల్లో పాల్గొంటూనే ‘ఆది పురుష్’ ‘సలార్’ వంటి బడా చిత్రాల షూటింగ్లో పాల్గొంటున్నాడు ప్రభాస్. ఇదిలా అండగా.. ‘రాధే శ్యామ్’ ప్రభాస్ కు 20వ సినిమా. ఆ తరువాత ‘ఆదిపురుష్’ ప్రభాస్ కు 22వ సినిమా కావడం విశేషం. మధ్యలో నాగ్ అశ్విన్ చిత్రాన్ని ప్రభాస్ 21గా అనౌన్స్ చేశారు నిర్మాతలైన వైజయంతి మూవీస్ వారు.
ఇక ప్రశాంత్ నీల్ డైరెక్షన్లో చేస్తున్న సలార్.. ప్రభాస్ కు 23వ సినిమా అన్న సంగతి తెలిసిందే. అయితే 24వ సినిమా ఎవరు చేస్తారు అనే విషయం పై క్లారిటీ ఇవ్వలేదు కానీ… ‘ప్రభాస్ 25’ మాత్రం కొరటాల శివ డైరెక్షన్లో ఉంటుందని కథనాలు వినిపించాయి. ‘మైత్రి మూవీ మేకర్స్’ వారు ఈ చిత్రాన్ని నిర్మించబోతున్నట్టు కూడా టాక్ వినిపించింది. కానీ ఇప్పుడు ప్రభాస్ 25 ను దిల్ రాజు నిర్మించబోతున్నట్టు కొద్దిరోజుల నుండీ ప్రచారం జరుగుతుంది. దీనిని కూడా ప్రశాంత్ నీల్ తెరకెక్కించబోతున్నట్టు సమాచారం.
ఈ నేపథ్యంలో కొరటాల తో ప్రభాస్ సినిమా లేనట్టేనా అనే అనుమానాలు వ్యక్తమవుతున్నాయి. అయితే అలాంటిదేమి లేదు అని ఇన్సైడ్ టాక్. ప్రభాస్ 24 మూవీని కొరటాల శివ తెరకెక్కించే అవకాశాలు ఉన్నాయని.. ఒకవేళ అది కుదరని పక్షంలో ప్రభాస్ 26ను అయినా కొరటాల డైరెక్ట్ చేసే అవకాశం ఉందని ప్రభాస్ సన్నిహితుల సమాచారం.ప్రభాస్ కు మ్యాచ్ అయ్యే స్క్రిప్ట్ పైనే కొరటాల వర్క్ చేస్తున్నాడట. బన్నీ తో సినిమా అయిన వెంటనే ప్రభాస్ తో కొరటాల మూవీ గ్యారెంటీ అని వారు తెలిపారు.
Most Recommended Video
రంగ్ దే సినిమా రివ్యూ & రేటింగ్!
అరణ్య సినిమా రివ్యూ & రేటింగ్!
ఈ 10 మంది హీరోయిన్లు టీనేజ్లోనే ఎంట్రీ ఇచ్చేసారు తెలుసా..!
Home