పాన్ ఇండియా స్టార్ ప్రభాస్ హీరోగా ప్రస్తుతం రెండు సినిమాలు రూపొందుతున్న సంగతి తెలిసిందే. అందులో ఒకటి ఓం రౌత్ దర్శకత్వంలో చేస్తున్న ఆదిపురుష్ కాగా, మరొకటి ప్రశాంత్ నీల్ దర్శకత్వంలో చేస్తున్న సలార్ మూవీ కావడం విశేషం. ఈ రెండు సినిమాలు 2023 లో రిలీజ్ కాబోతున్నాయి. వీటితో పాటు ప్రభాస్ సైలెంట్ గా షూటింగ్ మొదలుపెట్టిన సినిమాల్లో మారుతి మూవీ కూడా ఉంది. దీనికి సంబంధించిన అధికారిక ప్రకటన రాలేదు.
కానీ ఆల్రెడీ షూటింగ్ మొదలైపోయింది. ఆల్రెడీ ఫస్ట్ షెడ్యూల్ కూడా కంప్లీట్ అయిపోయింది. పీపుల్ మీడియా ఫ్యాక్టరీ వారు ఈ చిత్రాన్ని నిర్మిస్తున్నారు. మొదట ఆర్.ఆర్.ఆర్ నిర్మాత డీవీవీ దానయ్య ఈ చిత్రాన్ని నిర్మించబోతున్నారు అంటూ వార్తలు వినిపించాయి. కానీ ఆయన ఈ ప్రాజెక్టు నుండీ తప్పుకోవడంతో పీపుల్ మీడియా వారు ఎంట్రీ ఇచ్చారు. ఇక ఈ ప్రాజెక్టు కోసం ప్రభాస్ 52 రోజులు కాల్ షీట్లు ఇచ్చాడట.
ఫస్ట్ షెడ్యూల్ అల్రెడీ కంప్లీట్ అయ్యింది కాబట్టి.. డిసెంబర్ నాటికి ప్రభాస్ పార్ట్ కంప్లీట్ చేసేయాలని భావిస్తున్నాడట ప్రభాస్. ఈ చిత్రంలో ప్రభాస్ ను ఓ ఆత్మ ఆవహించి చేసే పనులు సినిమాకే హైలెట్ గా నిలుస్తాయి అని సమాచారం. వి.ఎఫ్.ఎక్స్ వర్క్ కు ఈ సినిమాలో ఎక్కువ స్కోప్ ఉంటుందట. నిజానికి ప్రభాస్ మారుతి దర్శకత్వంలో సినిమా చేయడం ప్రభాస్ అభిమానులకు ఇష్టం లేదు.
అందుకు నిరసనగా ట్విట్టర్ లో హ్యాష్ ట్యాగ్ లు కూడా ఇండియా వైడ్ ట్రెండ్ చేశారు. బహుశా అందుకే సైలెంట్ గా ఈ మూవీని స్టార్ట్ చేసినట్టు ఉన్నారు అని అంతా అనుకుంటున్నారు. ఇక అన్నీ అనుకున్నట్టు జరిగితే 2023 దసరా పండుగ టైంకి ఈ మూవీ రిలీజ్ అయ్యే అవకాశాలు ఉన్నాయి.
Most Recommended Video
‘పుష్ప 2’ తో పాటు 2023 లో రాబోతున్న సీక్వెల్స్!
చిరు టు వైష్ణవ్.. ఓ హిట్టు కోసం ఎదురుచూస్తున్న టాలీవుడ్ హీరోల లిస్ట్..!
రూ.200 కోట్లు టు రూ.500 కోట్ల బడ్జెట్ తో రూపొందిన ఇండియన్ సినిమాల లిస్ట్..!
Home