‘అల్లు అర్జున్ 20’ నుండీ అనసూయ ఔట్?

March 19, 2020 / 05:50 PM IST

Join Us

అల్లు అర్జున్ ఈ ఏడాది ప్రారంభంలోనే ‘అల వైకుంఠపురములో’ చిత్రంతో పెద్ద బ్లాక్ బస్టర్ కొట్టాడు. త్రివిక్రమ్ డైరెక్షన్లో తెరకెక్కిన ఈ చిత్రంతో తెలుగు రాష్ట్రాల్లో ఏకంగా ‘బాహుబలి 1’ కల్లెక్షన్లనే అధిగమించాడు బన్నీ. అంతేకాదు త్రివిక్రమ్ తో హ్యాట్రిక్ కూడా కంప్లీట్ చేసాడు. ఇక ఈ చిత్రం తర్వాత సుకుమార్ డైరెక్షన్లో ఓ చిత్రం చేయడానికి రెడీ అవుతున్నాడు బన్నీ. ఈ చిత్రంలో రష్మిక మందన హీరోయిన్ కావడం విశేషం. ఎర్రచందనం బ్యాక్ డ్రాప్ లో ఈ చిత్రం కథ ఉంటుందని సమాచారం. ‘శేషాచలం’ అనే పేరుని ఈ చిత్రానికి పరిశీలిస్తున్నారు. ఇదిలా ఉండగా ఈ చిత్రంలో ఓ కీలక పాత్ర కోసం అనసూయను అనుకున్నారట. అయితే ఈ ఆ పాత్ర చేయడానికి అనసూయ నిరాకరించిందనేది తాజా సమాచారం.

Anasuya out from Allu Arjun movie1

వివరాల్లోకి వెళితే.. ఈ చిత్రంలో అల్లు అర్జున్ తల్లిగా అనసూయ పాత్ర ఉంటుందట. ఫ్లాష్ బ్యాక్ లో వచ్చే ఈమె పాత్ర సినిమాకి చాలా కీలకమట. అయితే ఈమెది వేశ్య పాత్రట. అలా అని వల్గర్ గా ఈ పాత్రను సుకుమార్ డిజైన్ చేయలేదట. అయితే అనసూయ మాత్రం ఈ పాత్ర చెయ్యడానికి ఇష్టపడటం లేదనేది తాజా సమాచారం. కాబట్టి ఈమె తప్పుకునే అవకాశాలే ఎక్కువ ఉన్నాయట. ఈ విషయం పై క్లారిటీ రావాల్సి ఉంది. ఇక ఈ చిత్రంలో తమిళ క్రేజీ హీరో విజయ్ సేతుపతి విలన్ గా నటిస్తుండడం విశేషం.