అనిల్ రావిపూడి.. యంగ్ డైరెక్టర్ టు స్టార్ డైరెక్టర్ దిశగా దూసుకుపోతున్నాడు. ఈ ఏడాది సంక్రాంతికి అతని డైరెక్షన్లో వచ్చిన ‘సరిలేరు నీకెవ్వరు’ చిత్రం పెద్ద బ్లాక్ బస్టర్ అయ్యింది. చాలా రోజుల నుండీ మహేష్ ను కంప్లీట్ మాస్ యాంగిల్ లో చూడాలి అని.. ఎంతో ఆసక్తితో ఎదురుచూస్తున్న అతని అభిమానుల ఆకలి.. ఈ చిత్రం తీర్చింది. ఇది అనిల్ రావిపూడి వరుసగా ఐదవ హిట్ కావడం విశేషం. ఇక ఈ చిత్రం తర్వాత అనిల్ ఏ హీరోతో సినిమా చేస్తాడు అనే ఆసక్తి అందరిలోనూ ఉంది. ‘ఎఫ్3’ సీక్వెల్ చేయబోతున్నాడు అంటూ ప్రచారం జరిగింది.
ఆ ప్రచారం నిజమే.. అనేది తాజా సమాచారం. ప్రస్తుతం విశాఖపట్టణంలో దర్శకుడు అనిల్ అండ్ టీం.. స్క్రిప్ట్ ను తయారుచేసే పనుల్లో బిజీగా గడుపుతున్నారట. అనిల్ రావిపూడికి తన సినిమాల స్క్రిప్ట్ విషయంలో వైజాగ్ కలిసొచ్చిన ప్లేస్ గా భావిస్తాడట. అరకు ట్రిప్ కూడా వెళ్లి అక్కడ కూడా ఎంజాయ్ చేస్తూ స్క్రిప్ట్ తయారు చేసుకుంటాడని కూడా తెలుస్తుంది. మన పూరి జగన్నాథ్ కూడా కథ రెడీ చేసుకోవడానికి.. బ్యాంకాగ్ వెళ్తాడు కదా.. అలాగన్న మాట. ఇక ‘ఎఫ్3’ లో హీరోలుగా మళ్ళీ వెంకటేష్, వరుణ్ తేజ్ లే నటిస్తారని తెలుస్తుంది. మహేష్ బాబు కూడా ఈ చిత్రంలో కీలక పాత్ర పోషిస్తాడని వార్తలు వచ్చాయి. కానీ బడ్జెట్ పరిమితులు దాటుతుందని భావించి ఆయన పాత్రని వద్దనుకున్నట్టు తెలుస్తుంది. అయితే మహేష్ తో వాయిస్ ఓవర్ చెప్పించే అవకాశాలు ఉన్నాయని తెలుస్తుంది.
Most Recommended Video
నిర్మాతలుగా కూడా సత్తా చాటుతున్న టాలీవుడ్ హీరోలు
మోస్ట్ డిజైరబుల్ విమెన్ 2019 లిస్ట్
టైమ్స్ మోస్ట్ డిజైరబుల్ మెన్ 2019 లిస్ట్
సొంత మరదళ్ళను పెళ్లాడిన టాప్ స్టార్స్
