నిన్న మొన్నటివరకు అల్లు అర్జున్ సినిమా నెక్స్ట్‌ మూవీ ఏంటి అంటే.. ఒక క్లారిటీ ఉండేది కాదు. ఈ సినిమా, ఆ సినిమా అని చెప్పడమే కానీ.. ఏ సినిమా అని కచ్చితంగా చెప్పలేని పరిస్థితి. అయితే ఇప్పుడు చూస్తే బన్నీ కొత్త సినిమాలు అంటూ ఒక లిస్ట్ కనిపిస్తోంది. దాని ప్రకారం చూస్తే బన్నీ లైనప్‌ బలంగా మారుతోంది అనిపిస్తోంది. దీనికి కారణం బన్నీకి బలమైన హిట్‌ ఇచ్చిన ఓ డైరక్టర్‌ కూడా ఈ లైనప్‌లోకి చేరడమే. దీంతో పాత మ్యాజిక్‌ మరోసారి రిపీట్‌ అవుతుందని ఫ్యాన్స్‌ ఆశిస్తున్నారు.
అల్లు అర్జున్ ప్రస్తుతం ‘పుష్ప : ది రూల్‌’ పనుల్లో బిజీగా ఉన్నాడు. సుకుమార్‌ దర్శకత్వంలో రూపొందుతున్న ఈ సినిమా చిత్రీకరణ ప్రస్తుతం శరవేగంగా జరుగుతోంది. అన్నీ అనుకున్నట్లుగా జరిగితే ఈ సినిమాకు మూడో పార్టు కూడా ఉంటుంది అని చెబుతున్నారు. అంటే మూడోసారి కూడా ‘పుష్ప’రాజ్‌ వస్తాడు. అయితే వెంటనే స్టార్ట్‌ చేస్తారా ఈ పార్ట్‌.. లేక కాస్త టైమ్‌ పడుతుందా అనేది తెలియాల్సి ఉంది. ఈ సినిమా సంగతి ఇక పక్కనపెడితే… ఆ తర్వాత సినిమాల సంగతి వస్తుంది.
ఈ సినిమా తర్వాత (Allu Arjun) బన్నీతో సినిమా కోసం ఇద్దరు దర్శకులు సిద్ధంగా ఉన్నారని టాక్‌. బన్నీకి రెండు భారీ హిట్లు ‘జులాయి’, ‘సన్నాఫ్‌ సత్యమూర్తి’ ఇచ్చిన త్రివిక్రమ్‌తో హ్యాట్రిక్‌ సినిమా చేయాలనే ప్లాన్స్‌ ఉన్నాయి. అయితే మహేష్‌ సినిమా అయ్యాకనే ఆ సినిమా. ఈ లోపు పవన్ సినిమాల పనులు కూడా త్రివిక్రమ్‌ పూర్తి చేయాలి. ఇది కాకుండా సందీప్‌ రెడ్డి వంగా దర్శకత్వంలో ఓ సినిమా చేయాల్సి ఉంది బన్నీ. ఈ మేరకు ఏర్పాట్లు జరుగుతున్నాయి.
ఈ రెండు సినిమాలతోపాటు ‘రేసుగుర్రం’ దర్శకుడు సురేందర్‌ రెడ్డికి కూడా బన్నీ ఓ సినిమా చేస్తారట. అర్జున్ కెరీర్‌లో ‘రేసుగుర్రం’ ఎంతటి విజయం అందుకుందో తెలిసిన విషయమే. ఇప్పుడు అలాంటి హిట్‌ మరోసారి ఎక్స్‌పెక్ట్‌ చేస్తున్నారు ఫ్యాన్స్‌ ఈ కాంబో నుండి. అయితే ఈ సినిమా ఎప్పుడు అనేది తెలియాల్సి ఉంది.
ఏజెంట్ సినిమా రివ్యూ & రేటింగ్!
పొన్నియన్ సెల్వన్సినిమా రివ్యూ & రేటింగ్!
బట్టలు లేకుండా నటించిన వారిలో ఆ హీరోయిన్ కూడా ఉందా?
పెళ్లికి ముందు గర్భవతి అయిన హీరోయిన్స్.. ఈ లిస్ట్ లో ఆ హీరోయిన్ కూడా ఉందా
Home