జనసేన అధినేత, పవర్ స్టార్ పవన్ కళ్యాణ్ (Pawan Kalyan) త్వరలో మళ్లీ వరుస షూటింగ్ లతో బిజీ కానున్నారు. అక్టోబర్ నెల నుంచి పవన్ కళ్యాణ్ ఓజీ సినిమా షూటింగ్ లో పాల్గొననున్నారని తెలుస్తోంది. హరిహర వీరమల్లు పార్ట్1 (Hari Hara Veera Mallu)ఈ ఏడాదే విడుదలవుతుందని మేకర్స్ చెబుతుండగా ఏం జరుగుతుందో చూడాల్సి ఉంది. అయితే హరిహర వీరమల్లు మూవీలో లెజెండరీ యాక్టర్ అనుపమ్ ఖేర్ (Anupam Kher) కూడా నటిస్తున్నట్టు అధికారికంగా వెల్లడైంది.
పవన్ అనుపమ్ ఖేర్ కాంబినేషన్ లో వస్తున్న తొలి సినిమా హరిహర వీరమల్లు కావడం అనుపమ్ ఖేర్ కు పాన్ ఇండియా స్థాయిలో మంచి గుర్తింపు ఉండటంతో ఈ సినిమాకు ఆయన ప్లస్ కావడం గ్యారంటీ అని చెప్పవచ్చు. పీరియాడికల్ యాక్షన్ మూవీగా హరిహర వీరమల్లు తెరకెక్కనుండగా అనుపమ్ ఖేర్ రోల్ ఈ సినిమాకు హైలెట్ అయ్యేలా ఉండనుందని సమాచారం అందుతోంది. అమెజాన్ ప్రైమ్ తో ఒప్పందం ప్రకారం ఈ ఏడాదే హరిహర వీరమల్లు రిలీజ్ కావాల్సి ఉంది.
వేర్వేరు కారణాల వల్ల క్రిష్ (Krish Jagarlamudi) ఈ సినిమా నుంచి తప్పుకోవడంతో జ్యోతికృష్ణ (Jyothi Krishna ) ఈ సినిమాకు దర్శకత్వం వహిస్తున్నారు. ఈ సినిమా ఔట్ పుట్ మాత్రం అద్భుతంగా వచ్చిందని మేకర్స్ ఈ సినిమాకు సంబంధించి ఖర్చు విషయంలో ఏ మాత్రం రాజీ పడలేదని ఇండస్ట్రీ వర్గాల్లో జోరుగా వినిపిస్తుండటం గమనార్హం. హరిహర వీరమల్లు పార్ట్1 రిజల్ట్ ఆధారంగా హరిహర వీరమల్లు2 విషయంలో నిర్ణయం తీసుకునే అవకాశం ఉంది.
ఓజీ (OG Movie) , ఉస్తాద్ భగత్ సింగ్ (Ustaad Bhagat Singh) సినిమాలను సైతం వేగంగా పూర్తి చేసేలా పవన్ కళ్యాణ్ ప్రణాళికలు ఉన్నాయని సమాచారం అందుతోంది. పవన్ కళ్యాణ్ సినిమాల కంటే రాజకీయాలపై ఎక్కువగా దృష్టి పెడుతున్న నేపథ్యంలో పవన్ నటిస్తున్న సినిమాలు ఈ ఏడాది రిలీజ్ కావడం సులువు కాదని చెప్పవచ్చు.
Home