ఈ మధ్యకాలంలో చిన్న పెద్ద అన్న తేడా లేకుండా ప్రతి సినిమా గురించి ఏవో రూమర్స్ వస్తూనే ఉన్నాయి. సినిమా రేంజ్ ని బట్టి ఆ రూమర్ స్ప్రెడ్ అయ్యే రేంజ్ ఫిక్స్ అయ్యి ఉంటుంది. ఒక్కోసారి ఆ రూమర్స్ ని పట్టించుకోకుండా వదిలేయడమే మంచిదని ఇప్పటికే పలుమార్లు ప్రూవ్ అయ్యింది. పాపం అనుపమకు ఈ విషయం తెలియక ఒక రూమర్ విషయంలో క్లారిటీ ఇవ్వాలని ప్రయత్నించి అభాసుపాలైంది. ఇటీవల “హలో గురు ప్రేమ కోసమే” అనే సినిమాలో అనుపమ పరమేశ్వరన్ కు పకాష్ రాజ్ కు నడుమ చిన్న తగాదా జరిగిందని.. ఆ గొడవ కారణంగా ప్రకాష్ రాజ్ సెట్స్ నుంచి వెళ్లిపోయారని, హీరోయిన్ అనుపమ కూడా బాగా అప్సెట్ అవ్వడంతో ఆరోజుకి షూటింగ్ కి స్వస్తిపలికారని కొన్ని పాపులర్ సోషల్ మీడియా ఎకౌంట్స్ తోపాటు కొన్ని వెబ్ సైట్స్ లోనూ వార్తలొచ్చాయి.
ఆ విషయం అబద్ధం అని చెప్పడానికి అనుపమ చేసిన ప్రయత్నమే “దోస్ జోక్స్” అంటూ ప్రకాష్ రాజ్ తో కలిసి తీసుకొన్న సెల్ఫీ పోస్ట్. ఆ పోస్ట్ తో మేమేమీ గొడవ జరగలేదు, ఆ వార్తలన్నీ జోకులు అని పేర్కొంటూ అనుపమ ఇచ్చిన వివరణను ఇప్పుడు కొందరు తప్పుబడుతున్నారు. ఒకవేళ వార్త అబద్ధం అనుకొంటే క్లారిఫికేషన్ ఇవ్వాల్సిన అవసరం ఏముంది అంటున్నారు కొందరు.
