మెగాస్టార్ చిరంజీవి హీరోగా నటించిన 150 మూవీ ఖైదీ నంబర్ 150 కలక్షన్ల సునామీ సృష్టిస్తోంది. తొలి వారానికి వందకోట్ల క్లబ్ లో చేరిన ఈ చిత్రం చిరుకి మంచి ఉత్సాహాన్ని ఇచ్చింది. అందుకే అయన ఈ సినిమా విజయాన్ని ఆస్వాదించకముందే తర్వాతి మూవీ కోసం పనులు మొదలెట్టేసారు. చిరంజీవి 151 మూవీని కూడా తానే నిర్మిస్తానని రామ్ చరణ్ తేజ్ స్పష్టం చేశారు. తనకు ధృవ వంటి హిట్ ఇచ్చిన సురేందర్ రెడ్డికి మెగాస్టార్ ని డైరక్ట్ చేసే అవకాశం ఇచ్చారు. ఆయన సీనియర్ రచయితలు పరుచూరి బ్రదర్స్ తో కలిసి ఉయ్యాలవాడ నరసింహారెడ్డి కథకు మెరుగులు దిద్దే పనిలో బిజీగా ఉన్నారు. ఈ స్క్రిప్ట్ రెడీ అయ్యే లోపున ఆర్టిస్టుల సెలక్షన్ చేయడానికి నిర్మాత చెర్రీ సిద్దమయిపోయారు.
కొణిదెల ప్రొడక్షన్స్ బ్యానర్లో రూపుదిద్దుకోనున్న రెండో మూవీలో ప్రధాన కథానాయికగా స్వీటీ అనుష్కను తీసుకోవడానికి ఫిక్స్ అయిపోయారు. ఖైదీ నంబర్ 150 కోసం అనుష్క ను రామ్ చరణ్ అడిగారు. కానీ ఆమెకు ఆసక్తిగా ఉన్నప్పటికీ డేట్స్ సర్దుబాటు చేయలేక పోయింది. ఇప్పుడు తప్పకుండా డేట్స్ ఇస్తుందని చెర్రీ నమ్మకంతో ఉన్నారు. అనుష్క, చిరు జోడి సెట్ అవుతుందా? లేదా ? కొన్ని రోజుల్లో తేలిపోనుంది.
Also, do SUBSCRIBE to our YouTube channel to get latest Tollywood updates.
Home