Ariyana: మీరెవరు చెప్పడానికి.. అరియానా సీరియస్ ఎందుకయ్యిందంటే..?

April 20, 2022 / 10:13 AM IST

Join Us

Ariyana: మీరెవరు చెప్పడానికి.. అరియానా సీరియస్ ఎందుకయ్యిందంటే..?

బిగ్ బాస్ నాన్ స్టాప్ హౌస్ లోకి బాబాభాస్కర్ వైల్డ్ కార్డ్ ఎంట్రీ ఇచ్చారు. నిజానికి నామినేషన్స్ అప్పుడే సీక్రెట్ రూమ్ లో ఉన్న బాబాభాస్కర్ అప్పట్నుంచీ హౌస్ మేట్స్ గేమ్ ని అబ్జర్వ్ చేస్తున్నారు. నామినేషన్స్ పూర్తి అయిన తర్వాత భాస్కర్ మాస్టర్ కి బిగ్ బాస్ ఒక పవర్ ఇచ్చాడు. నామినేషన్స్ అయిన వాళ్లలో నుంచీ ఒకర్ని సేఫ్ చేయమని అడిగితే, బాబా మాస్టర్ ఆలోచింది బిందుమాధవిని సేఫ్ చేశాడు. ఈ విషయాన్ని హౌస్ లోకి ఎంట్రీ ఇచ్చాక బాబా మాస్టర్ ఎలా చెప్తారా అని అందరూ ఆసక్తిగా ఎదురుచూశారు.

Click Here To Watch NOW

వైల్డ్ కార్డ్ అని చెప్పకుండా హౌస్ లోకి ఎంట్రీ ఇచ్చిన మాస్టర్ హౌస్ మేట్స్ తో గేమ్ ఆడించాడు. అందరూ కూడా గెస్ట్ గానే వచ్చాడని టాస్క్ లో పార్టిసిపేట్ చేశారు. ఇక్కడే మాస్టర్ గేటు దూకి లోపలకి వచ్చి హౌస్ మేట్స్ కి షాక్ ఇచ్చాడు. దీంతో వెంటనే అరియానా బయటకి వెళ్లండి అంటూ చెప్పింది. దీనికి కారణం ఉందని మాస్టర్ చెప్తుంటే , అరియానా అబ్జక్ట్ చేస్తునే ఉంది. ఇంట్లోకి వచ్చిన బాబా మాస్టర్ నామినేషన్స్ లో ఉన్నవాళ్లని ఒక చోట కూర్చోమని చెప్పాడు.

నామినేషన్స్ లో లేనివాళ్లు ఏకాభిప్రాయంతో హౌస్ లో ఉండే అర్హత ఎవరికి లేదో ఒకరిని సెలక్ట్ చేయమని చెప్పాడు. దీంతో కెప్టెన్ శివ, అరియానా, నటరాజ్ మాస్టర్, మిత్రాశర్మాలు చాలాసేపు ఆలోచించారు. ఇక్కడే అరియానా అసలు మనం ఎందుకు సెలక్ట్ చేయాలి. మనకి బిగ్ బాస్ చెప్పలేదు కదా అంటూ ఎదురు తిరిగింది. బాబా మాస్టర్ దగ్గరకి వచ్చి మేము సెలక్ట్ చేయం అంటూ చెప్పేసింది. ఇప్పుడు మీరు వచ్చి ఇంట్లో నుంచీ ఒకర్ని పంపించేయాలి అంటే ఎలా అంటూ మాట్లాడింది.

బాబాభాస్కర్ మాస్టర్ సర్ ప్రైజ్ ఉంది అని నేను చెప్తానని చెప్పినా కూడా అరియానా వినలేదు వాదించింది. మాస్టర్ కి షాక్ ఇచ్చింది. మాస్టర్ కి ఏం చేయాలో తెలియలేదు. హౌస్ లో నుంచీ వాళ్లని తీస్కుని వెళ్లను అంటేనే పేరు చెప్తానని చెప్పింది అరియానా. దీంతో మాస్టర్ ప్రామిస్ చేసాడు. అసలు బిగ్ బాస్ చెప్పకుండా మేము మీ మాట ఎందుకు వినాలి ? మీరు చెప్తే మేము చేయాలా ? అసలు మీరు ఎవరు చెప్పడానికి ? అంటూ అరియానా మాస్టర్ పై సీరియస్ అయ్యింది.

ఆ తర్వాత మాస్టర్ హౌస్ లో నుంచీ ఎవరినీ తీస్కుని వెళ్లను అని చెప్తేనే అనిల్ పేరు చెప్పారు. వెంటనే బాబా మాస్టర్ ఒకర్ని సేఫ్ చేయమనే పవర్ నాకు ఇచ్చారని చెప్పాడు. దీంతో అనిల్ సేఫ్ అయ్యాడని అందరూ ఆనందపడ్డారు. కానీ, బాబాభాస్కర్ మాస్టర్ మాత్రం నేను బిందుని సేప్ చేశానని చెప్పాడు. అజయ్ పేరు కూడా పరిశీలించానని , కానీ ఫైనల్ గా బిందుని సేఫ్ చేశానని చెప్పాడు. ఇక కెప్టెన్ కి నేను వైల్డ్ కార్డ్ ఎంట్రీ అంటూ చెప్పాడు మాస్టర్. అదీ విషయం.