“అర్జున్ రెడ్డి”తో తెలుగులో రాంకింగ్ ఎంట్రీ ఇచ్చిన షాలిని పాండే ఇప్పటికే తమిళంలో జీవి.ప్రకాష్ సరసన “100% కాదల్” (“100% లవ్” రీమేక్) నటిస్తూ తమిళంలోనూ సెన్సేషనల్ ఎంట్రీ ఇచ్చింది. ఇప్పుడు మలయాళంలోనూ పాపం మోపనుంది పాండే బ్యూటీ. మలయాళ సూపర్ స్టార్ దుల్కర్ సల్మాన్ హీరోగా రూపొందుతున్న తాజా చిత్రంలో హీరోయిన్ గా షాలిని పాండేని తీసుకొనే ఆలోచనలో ఉన్నారట మలయాళ మూవీ మేకర్స్. పెర్ఫార్మెన్స్ కి స్కోప్ ఎక్కువ ఉండడమే షాలిని పాండేని కన్సిడర్ చేయడానికి కారణం.
కెరీర్ ప్రారంభించిన మొదటి సంవత్సరంలోనే తెలుగుతోపాటు తమిళం, మలయాళంలోనూ డెబ్యూ చేస్తున్న షాలిని పాండే త్వరలోనే కన్నడలోనూ నటించేసి సౌత్ లాంగ్వేజస్ అన్నీ కవర్ చేసేసి బాలీవుడ్ కి పయనమవుతుందేమో చూడాలి. ఇకపోతే.. షాలిని పాండేకి తెలుగులోనూ కొన్ని అవకాశాలొస్తున్నప్పటికీ అవన్నీ గ్లామర్ డోస్ అండ్ లిప్ లాక్స్ ఉన్న సినిమాలే తప్ప కంటెంట్ ఉన్న సినిమాలు కాకపోవడంతో షాలిని వాటిని రిజెక్ట్ చేసి తన గ్లామర్ ను కాక తన టాలెంట్ ను ఆన్ స్క్రీన్ ప్రెజంట్ చేసే సినిమాలు చేయాలన్నది అమ్మడి ఆశ. కానీ.. టాలెంట్ ను కనీస స్థాయిలో కూడా పట్టించుకోని మన తెలుగు చిత్రసీమలో షాలిని పాండే ఎస్థాయిలో నెగ్గుకొస్తుందో చూడాలి.
Home