మళ్లీ చిరు మెగాస్టార్ గా ఇండస్ట్రీ లో చక్రం తిప్పనున్నాడు. దాదాపుగా 10ఏళ్ల సుధీర్గ రాజకీయ పరాభవం తరువాత మళ్లీ ఇండస్ట్రీలో తన అదృష్టాన్ని పరీక్షించుకోనున్న చిరంజీవి పక్క ప్లాన్ తో అడుగులు వేస్తున్నాడు. ఎట్టి పరిస్థితుల్లో తన 150వ సినిమాని సూపర్ హిట్ చెయ్యాలి అన్న ఆలోచనతో దూసుకుపోతున్నాడు. అయితే ఈ సినిమా విషయం పక్కన పెడితే తన 151వ సినిమా కోసం చిరు పూరీకి ఓకే చెప్పినట్లు టాక్ వినిపిస్తుంది.
అసలు విషయం ఏమిటంటే….చిరు 150వ సినిమాకు పూరీ మంచి కధ చెప్పాడు. అయితే కథ చేసేందుకు సిద్ధమైన మెగాస్టార్ పూరి చెప్పిన మొదటి భాగం నచ్చినా సెకండ్ హాఫ్ నచ్చక పోవడంతో కాదు పొమ్మన్నాడు. అదే క్రమంలో ఎలా అయినా చిరు తో సినిమా తియ్యలి అని అనుకున్న పూరీ మళ్లీ ఆ కధకు పదును పెట్టి రెండో భాగాన్ని మార్చి చిరుకి వినిపించాడు. ఇక చిరు సైతం ఒకే చెప్పగా ఈ సినిమా 151వ సినిమాగా తెరకెక్కనుంది అని తెలుస్తుంది.
అంతేకాకుండా ఈ సినిమా నిర్మాణం కూడా చిన్నా..చితకా నిర్మాతలతో కాదంట….చిరుకి ఎన్నో భారీ హిట్లు ఇచ్చిన అశ్వనిదత్ నిర్మాతగా ఆయన బ్యానర్ లో తెరకెక్కనుంది అని సమాచారం. మెగా ప్రొడ్యూసర్ గా మోతమోగించిన అశ్వనిదత్ కొద్దికాలంగా సినిమా నిర్మాణానికి దూరంగా ఉన్నారు. అయితే ఇప్పుడు మళ్లీ తన ప్రొడక్షన్ హౌజ్ నుండి మరిన్ని సినిమాలు తీయాలని అందులో భాగంగానే మహేష్ తో ప్రస్తుతం ఒక సినిమా చేస్తున్నట్లు సమాచారం. వెంటనే చిరు 151వ సినిమా సైతం తీయనున్నట్లు తెలుస్తుంది. మరి మెగా స్టార్….తో….మెగా ప్రొడ్యూసర్ కలిస్తే మరో ప్రభంజనమే….
