అట్లీతో ఒన్స్ మోర్ అంటున్న విజయ్!

అట్లీ దర్శకత్వంలో విజయ్ నటించిన చిత్రం ‘తేరి’. ఇటీవలే విడుదలైన ఈ చిత్రం తమిళ బాక్సాఫీస్ వద్ద ఘన విజయాన్ని నమోదు చేసుకుంది. ఈ చిత్రం 100 కోట్లకు పైగా వసూలు చేసినట్లు కోలీవుడ్ వర్గాల సమాచారం.

విజయ్ కు ఇంతటి ఘన విజయాన్ని అందించిన అట్లీ దర్శకత్వంలో విజయ్ నటించడానికి మరోసారి సిద్దంగా ఉన్నాడట. వీరిద్దరి కాంబినేషన్ లో విజయ్ 61  వ చిత్రం రానుండగా.. ఈ చిత్రాన్ని శివాజీ ప్రొడక్షన్స్ వారు నిర్మించే అవకాశం ఉందని వార్తలు వినవస్తున్నాయి. ప్రస్తుతం భరతన్ దర్శకత్వంలో తెరకెక్కుతున్న విజయ్ 60 వ చిత్రంలో విజయ్ నటిస్తున్నాడు. విజయా ప్రొడక్షన్స్ వారు ఈ చిత్రాన్ని నిర్మిస్తున్నారు.