Bandla Ganesh: బండ్ల గణేష్ రీ రీ రీ రీ ఎంట్రీ..!

బండ్ల గణేష్(Bandla Ganesh) గురించి ప్రత్యేక పరిచయం అవసరం లేదు. క్యారెక్టర్ ఆర్టిస్ట్ గా కెరీర్ మొదలుపెట్టారు. ‘ప్రేమఖైదీ’ వంటి సినిమాల్లో చిన్న చిన్న పాత్రలు చేశారు.

Bandla Ganesh

గ్రోత్ లేని టైంలో అతనికి శ్రీకాంత్, దర్శకుడు ఎస్వీ కృష్ణారెడ్డి పుణ్యమాని ‘వినోదం’ సినిమాలో మంచి ఛాన్స్ వచ్చింది. ఆ సినిమా హిట్ అవ్వడంతో పెద్ద సినిమాల్లో ఛాన్స్..లు వచ్చాయి. ఆ టైంలో స్టార్ హీరోలకి గిఫ్టులు వంటివి ఇచ్చి, పెద్ద పెద్ద దర్శకులకి పార్టీలు ఇచ్చి వారికి దగ్గరయ్యాడు.

తర్వాత అలాగే జర్నీ కంటిన్యూ చేస్తూ వచ్చాడు. అయితే సడన్ గా ‘ఆంజనేయులు’ సినిమాని నిర్మించి ఇండస్ట్రీ మొత్తానికి పెద్ద షాకిచ్చాడు. ఆ తర్వాత పవన్ కళ్యాణ్, అల్లు అర్జున్, ఎన్టీఆర్, రాంచరణ్ వంటి స్టార్ హీరోలతో సినిమాలు నిర్మించి స్టార్ నిర్మాతగా ఎదిగాడు.

‘టెంపర్’ తర్వాత బండ్ల గణేష్ నిర్మాతగా ఒక్క సినిమా కూడా రాలేదు. మధ్యలో మహేష్ బాబు ‘సరిలేరు నీకెవ్వరు’ లో చిన్న కామెడీ రోల్ చేశాడు. అది పెద్దగా వర్కౌట్ కాలేదు. తర్వాత తనే లీడ్ రోల్ గా ‘డేగల బాబ్జి’ రూపొందింది. ఆ సినిమా వచ్చి వెళ్లినట్టు కూడా చాలా మందికి తెలీదు. ప్రస్తుతం చిన్న సినిమాల ఈవెంట్లకి గెస్ట్ గా వచ్చి స్పీచ్..లతో వార్తల్లో నిలుస్తున్న బండ్ల గణేష్.. ఇటీవల చిరంజీవి, వెంకటేష్ వంటి స్టార్స్ కి పెద్ద పార్టీ ఏర్పాటు చేశాడు.

దీంతో నిర్మాతగా మళ్ళీ రీ ఎంట్రీ ఇస్తాడేమో అని అంతా అనుకున్నారు. కానీ కట్ చేస్తే బాబీ దర్శకత్వంలో చిరు చేస్తున్న సినిమాలో బండ్ల గణేష్ అత్యంత కీలక పాత్రకి ఎంపికయ్యాడట. అది ఇలా కనిపించి అలా మాయమైపోయే పాత్ర కాదట. కథలో ప్రాముఖ్యత కలిగిన పాత్ర అని తెలుస్తుంది. 10 ముఖ్యమైన సన్నివేశాల్లో బండ్ల గణేష్ కనిపిస్తాడట. మరి ఇదైనా అతనికి కలిసొస్తుందేమో చూడాలి.

‘పెద్ది’ రన్ టైం 4 గంటలా?