అడల్ట్ కామెడీ…అవసరమా…అవసరాలా??

టాలీవుడ్ లో టాలెంట్ ఉన్న వాళ్ళు చాలా మంది ఉన్నారు. అందులో అవసరాల శ్రీనివాస్ ఒకరు. అష్టా చెమ్మా చిత్రంతో తన కరియర్ మంచి టర్నింగ్ తీసుకోగా, అవసరాల శ్రీనివాస్ ఇప్పుడు మంచి నటుడిగానే కాకుండా మంచి దర్శకుడిగా కూడా దూసుకుపోతున్నాడు. ఒక పక్క సినిమాల్లో క్యారెక్టర్ ఆర్టిస్ట్ గా నటిస్తూనే, మరో పక్క దర్శకత్వంలో మునిగి తేలుతున్నాడు మన శ్రీనివాస్.

అయితే దర్శకుడిగా ఆయన తీసిన ‘ఊహలు గుసగుసలాడే’ సినిమా మంచి హిట్ ను అందుకోవడంతో మరొక ప్రయత్నంగా ఇంకో సినిమా తీసేందుకు సిద్దం అయ్యాడు మన దర్శకుడు. ఇంతవరకూ భాగానే ఉంది కానీ, అసలు విషయం ఇక్కడే మొదలయ్యింది. దర్శకుడిగా తొలి సినిమాని మంచి ఫీల్ గుడ్ లవ్ స్టోరీ గా తీసిన మన శ్రీ ఇప్పుడు రెండో ప్రయత్నంగా హింది అడల్ట్ మూవీని రీమేక్ చెయ్యనున్నట్లు వార్తలు వస్తున్నాయి. విషయం ఏమిటంటే….బాలీవుడ్లో రిలీజ్ అయిన హంటర్ సినిమా గుర్తుందా??….అడల్ట్ సెక్స్ కామెడీ సినిమాగా ఓ పక్క ఎంటర్టైన్ చేస్తూ ఎడ్యుకేట్ చేసే సినిమా.

ఇప్పుడు ఆ సినిమానె మనవాడు తానే లీడ్ రోల్ తో డైరెక్ట్ చేస్తున్నాడట అంతేకాకుండా ఈ సినిమాలో అందాల భామలుగా రెజినా, తేజశ్విని సైతం సెలెక్ట్ చేసినట్టు తెలుస్తుంది. అయితే ఇక్కడ చిక్కు ఏమిటి అంటే బాలీవుడ్లో అడల్ట్ బేస్డ్ కామెడీ సినిమాలు చాలా వస్తుంటే ఉంటాయి…ఓ విధంగా అక్కడ ప్రేక్షకులు వాటిని బాగ ఎంజాయ్ చేస్తారు. అయితే అవి తెలుగులో తీస్తే మాత్రం అంతగా వర్క్ అవుట్ కావు అన్నది నమ్మక తప్పని నిజం మరి ఇంత రిస్క్ చేస్తున్న మనవాడు ఎంతవరకూ సక్సెస్ అవుతాడో చూడాలి.