త్వరలో షూటింగ్ జరుపుకోనున్న బాహుబలి సీరియల్

దర్శకధీరుడు ఎస్.ఎస్.రాజమౌళి తెరకెక్కించిన బాహుబలి తెలుగు వారిని మాత్రమే కాదు ప్రపంచ సినీ ప్రేక్షకులను అలరించింది. ఆ సినిమాలోని ప్రతి పాత్ర అందరి హృదయాల్లో నిలిచి పోయింది. రెండు పార్టులుగా వచ్చినప్పటికీ తృప్తి తీరలేదు. ఇంకో పార్ట్ ఉంటే చూడాలని ఆశపడుతున్నారు. ఆ విషయాన్నీ దృష్టిలో ఉంచుకొని ఓ విదేశీ సంస్థ బాహుబలిని ఒక పార్ట్ కాదు అనేక ఎపిసోడ్ లుగా నిర్మించేందుకు ముందుకొచ్చింది. బుల్లితెరలో సీరియల్ గా తీసేందుకు సన్నాహాలు మొదలు పెట్టింది. శోభు యార్లగడ్డతో సంప్రదింపులు చేస్తోంది.

ఈ సీరియల్స్ కి కథను విజయేంద్ర ప్రసాద్ అందిస్తున్నారు. డైరక్షన్ మాత్రం రాజమౌళి చేయడం లేదు. అయితే జక్కన్న ఆలోచనలను, సలహాలను సీరియల్ నిర్మాణ సంస్థ తీసుకోనుంది. బాహుబలి పేరుని వాడుకున్నందుకు కూడా 25 కోట్లు ఇవ్వనున్నట్లు సమాచారం. ఈ చర్చలు ముగిసిన తర్వాత షూటింగ్ కి వెళ్లనున్నారు. అయితే వారం వారం మహిష్మతి రాజ్యంలోని సంగతులను టీవీలో చూసి తెలుసుకోవచ్చన్నమాట.

Also, do SUBSCRIBE to our YouTube channel to get latest Tollywood updates.