చెన్నైకి వెళ్లనున్న బాబు బంగారం..!!

గోపాల గోపాల చిత్రం తర్వాత విక్టరీ వెంకటేష్ చేస్తున్న సినిమా “బాబు బంగారం”. మారుతి దర్శకత్వంలో తెరకెక్కుతున్న ఈ సినిమాలో ఏసీపీ కృష్ణగా వెంకటేష్ నవ్వులు పూయించనున్నారు. ఒక పాట మినహా షూటింగ్ మొత్తం పూర్తి చేసుకున్న ఈ మూవీ ఆడియో జులై 9 న రిలీజ్ చేయడానికి నిర్మాతలు నాగ వంశీ, పీడీవీ ప్రసాద్ అంతా సిద్ధం చేశారు.

ఈ కార్యక్రమం లోపే మిగిలిన పాటను పూర్తి చేయడానికి బాబు బంగారం చైన్నై వెళ్లనున్నారు. అక్కడ జులై 4 నుంచి 8 వరకు పాటను చిత్రీకరించనున్నారు. నయనతార, వెంకటేష్ ల పై  రొమాంటిక్ సాంగ్ ని షూట్ చేయనున్నారు. దీంతో సినిమాకు గుమ్మడికాయను కొట్టేసి .. పోస్ట్ ప్రొడక్షన్ పనుల్లో చిత్ర బృందం బిజీ కానుంది. బాబు బంగారం జులై 29 నాటికి థియేటర్లలోకి వెళ్లేలా ప్లాన్ చేస్తోంది. ఆ..ఆ ద్వారా హిట్ అందుకున్న హారిక అండ్ హస్సేన్ క్రియేషన్స్ వారు ఈ చిత్రానికి పంపిణీ దారులుగా వ్యవహరిస్తున్నారు.