నందమూరి బాలకృష్ణ ప్రస్తుతం ‘ఎన్టీఆర్ బయోపిక్’ చిత్రాలతో బిజీగా ఉన్న సంగతి తెలిసిందే. క్రిష్ డైరెక్షన్లో తెరకెక్కిన ఈ చిత్రం మొదటి పార్ట్ ‘ఎన్టీఆర్ – కథానాయకుడు’ సంక్రాంతి కానుకగా జనవరి 9 న విడుదల కాబోతుండగా.. రెండవ పార్ట్ ‘ఎన్టీఆర్- మహానాయకుడు’ ఫిబ్రవరి 7 న విడుదల కానుంది. ఇదిలా ఉండగా బాలకృష్ణ తనయుడు మోక్షజ్ఞ హీరోగా ఎప్పుడెప్పుడు లాంచ్ అవుతాడా.. అని నందమూరి అభిమానులంతా ఎంతో ఆసక్తిగా ఎదురుచూస్తున్నారు. అయితే మొదట మోక్షజ్ఞతో ‘ఎన్టీఆర్-బయోపిక్’ లో ఒక ముఖ్య పాత్ర చేయిద్దామని డైరెక్టర్ క్రిష్ సూచించినప్పటికీ సోలో హీరోగానే మోక్షజ్ఞను పరిచయం చేస్తే బాగుంటుందని బాలకృష్ణ తెలియజేసినట్టు సమాచారం.
ఇప్పటికే vఅయితే ఈ అవకాశం క్రిష్ దక్కించుకోనున్నాడని తాజా సమాచారం. దర్శకుడు క్రిష్ – బాలకృష్ణ ల మధ్య మంచి సాన్నిహిత్యం ఉన్న సంగతి తెలిసిందే. బాలకృష్ణ 100 వ చిత్రం ‘గౌతమి పుత్ర శాతకర్ణి’ తెరకెక్కించి మంచి విజయాన్ని అందించాడు క్రిష్. ఇక ‘ఎన్టీఆర్-బయోపిక్’ తేజ డైరెక్షన్ నుండీ తప్పుకోగానే.. క్రిష్ ను సంప్రదించగా వెంటనే ఒప్పుకోవడంతో మంచి స్నేహ బంధం కూడా ఏర్పండింది. అంతే కాదు క్రిష్ పనితీరు పై బాలకృష్ణకి చాలా నమ్మకం వుంది. ఇక మోక్షజ్ఞను లాంచ్ చేయాలనే ఆసక్తి కూడా క్రిష్ కి వుందని తెలుస్తోంది. అందువలన మోక్షజ్ఞ ను క్రిష్ చేసే అవకాశాలు ఎక్కువగా ఉన్నాయని ఫిలింనగర్ విశ్లేషకులు చెప్పుకొస్తున్నారు.
