Akhanda movie: ఇన్నాళ్లకు ‘అఖండ’లో కదలిక వచ్చింది.!

టాలీవుడ్‌లో హీరోలందరూ బిజీగానే ఉన్నారు. కొంతమంది కథలు వింటూ, ఇంకొంతమంది నటిస్తూ, మరికొంతమంది పోస్ట్‌ ప్రొడక్షన్‌లో పాల్గొంటూ ఎవరి పనిలో వారున్నారు. అయితే ఒక్క బాలకృష్ణ మాత్రం ఎలాంటి సినిమా పనులు చేయడం లేదు. నిన్నటి వరకు అభిమానుల్లో ఈ ప్రశ్న వినిపిస్తూనే ఉంది. అంతేకాదు ‘అఖండ’ సినిమాకు సంబంధించి ఎలాంటి అప్‌డేట్‌ లేదు అనే ప్రశ్న కూడా వినిపించేది. ఇక ఎదురుచూపులకు చెక్‌ పడింది. ఎందుకంటే నందమూరి బాలకృష్ణ సినిమా పనులు రీస్టార్ట్‌ అయ్యాయి.

అంటే ‘అఖండ’ సినిమా పోస్ట్‌ ప్రొడక్షన్‌ పనులు మళ్లీ ఊపందుకున్నాయి. సినిమా డబ్బింగ్‌ పనులను బాలకృష్ణ ఇటీవల ప్రారంభించారట. వీలైనంత త్వరగా పనులు పూర్తి చేసి సినిమాను ప్రేక్షకుల ముందుకు తీసుకురావాలని చూస్తున్నారు. ఓవైపు డబ్బింగ్‌ జరుగుతుండగా, దర్శకుడు బోయపాటి మిగిలిన పనులు మరోవైపు తేలుస్తారట. ఇక సినిమా విడుదల విషయానకొస్తే… ఇప్పటికైతే రాబోయే పండగ స్లాట్స్‌ ఏవీ ఖాళీగా లేవు. ఒక్కో సీజన్‌కు ఇద్దరేసి, ముగ్గురేసి హీరోలున్నారు.

అయితే ‘ఆర్‌ఆర్‌ఆర్‌’ విడుదల వాయిదా పక్కా అని వార్తలొస్తున్న నేపథ్యంలో దసరా సీజన్‌కు బాలయ్య ‘అఖండ’ను తీసుకొస్తారనే మాట వినిపిస్తోంది. అందుకే ఇప్పుడు సినిమా పనులు వేగవంతం చేశారని టాక్‌. ఈ పని పూర్తయితే బాలయ్య… గోపీచంద్‌ సినిమా స్టార్ట్‌ చేస్తారట.

Most Recommended Video

చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!