Akhanda Movie: అరుదైన రికార్డు సృష్టించిన బాలకృష్ణ- బోయపాటి ల ‘అఖండ’..!

నందమూరి బాలకృష్ణ హీరోగా బోయపాటి శ్రీను డైరెక్షన్లో ‘సింహా’, ‘లెజెండ్‌’ వంటి బ్లాక్‌బస్టర్‌ సినిమాలు వచ్చిన సంగతి తెలిసిందే. ఇప్పుడీ కాంబినేషన్లో తెరకెక్కుతున్న హ్యాట్రిక్ మూవీ ‘అఖండ’. ఈ మూవీ పై ఇటు ప్రేక్షకుల్లోనూ,అటు ఇండస్ట్రీ వర్గాల్లోనూ మంచి అంచనాలు ఉన్నాయి. ఆల్రెడీ విడుదల చేసిన ‘అఖండ’ టీజర్‌లకు అద్భుతమైన రెస్పాన్స్ వచ్చింది.ఈ చిత్రం క్లైమాక్స్ షెడ్యూల్‌ తమిళనాడులో జరుగుతుంది. అక్కడ ఓ దేవాలయంలో క్లైమాక్స్‌ ఫైట్‌ సన్నివేశాలను చిత్రీకరిస్తున్నారు.

ఈ షెడ్యూల్ తో షూటింగ్ మొత్తం పూర్తవుతుంది.ఇదిలా ఉండగా.. ఓ విషయంలో మాత్రం ‘అఖండ’.. ‘బాహుబలి’ తర్వాత ఏ మూవీకి సాధ్యం కానీ రికార్డుని సొంతం చేసుకుంది. వివరాల్లోకి వెళితే.. కేవలం ‘అఖండ’ సన్నివేశాల కోసమే ఏకంగా 80 రోజులకు పైగా షూటింగ్ ను జరిపారట. ‘బాహుబలి'(సిరీస్) తర్వాత ఏ తెలుగు మూవీకి.. యాక్షన్ ఎపిసోడ్స్ కు గాను ఇన్ని రోజుల షూటింగ్ ను నిర్వహించలేదు. ‘అఖండ’ లో మాస్ ఆడియెన్స్ కు గూజ్ బంప్స్ తెప్పించే యాక్షన్ ఎపిసోడ్స్ ఆ రేంజ్లో ఉండబోతున్నాయని ఈ విషయంతో స్పష్టమవుతుంది.

ఈ నెలాఖరుకి షూటింగ్ మొత్తం కంప్లీట్ అవుతుంది. ‘ద్వారక క్రియేషన్స్‌’ పతాకంపై నిర్మాత మిర్యాల రవీందర్‌రెడ్డి నిర్మిస్తున్న ఈ చిత్రాన్ని అక్టోబర్ లో విడుదల చేసేందుకు సన్నాహాలు జరుగుతున్నాయి. ప్రగ్యా జైస్వాల్‌ హీరోయిన్‌గా నటిస్తున్న ఈ చిత్రంలో జగపతిబాబు, శ్రీకాంత్‌ లు కీలక పాత్రలు పోషిస్తుండగా తమన్‌ సంగీతం అందిస్తున్నాడు.

Most Recommended Video

నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!