Balakrishna: రవితేజ హిట్ సినిమా.. బాలయ్య చేయాల్సిందట!

ఇండస్ట్రీలో ఒక హీరో కోసం అనుకున్న కథ మరో హీరోకి వెళ్లడం కామన్ గా జరుగుతుంటుంది. అలా కొందరు హీరోలు మిస్ చేసుకున్న సినిమాల్లో కొన్ని బ్లాక్ బస్టర్స్ కూడా ఉన్నాయి. నందమూరి బాలకృష్ణ కూడా అలాంటి ఒక బ్లాక్ బస్టర్ సినిమాను మిస్ చేసుకున్నట్లు తెలుస్తోంది. రెండేళ్ల క్రితం థియేటర్లలోకి వచ్చిన ‘క్రాక్’ సినిమా భారీ విజయాన్ని అందుకున్న సంగతి తెలిసిందే. ఫ్లాపుల్లో ఉన్న రవితేజకి ఈ సినిమా మంచి కంబ్యాక్ అయింది.

నిజానికి ఈ సినిమాను బాలకృష్ణతో చేయాలని అనుకున్నారట. ఈ విషయాన్ని నిర్మాత సి.కళ్యాణ్ వెల్లడించారు. బాలయ్య కోసం అనుకున్న ఈ సినిమా ఆయన డేట్స్ దొరక్కపోవడంతో రవితేజను హీరోగా ఫైనల్ చేసుకున్నట్లు వెల్లడించారు. ఆ తరువాత నిర్మాత కూడా మారిపోయారు. ‘క్రాక్’ సినిమా కథ ముందు బాలయ్యతో అనుకున్నట్లు దర్శకుడు గోపీచంద్ ఎక్కడా చెప్పలేదు. నిర్మాత సి.కళ్యాణ్ మాత్రం ఈ విషయాన్ని బయటపెట్టారు. ఓ సినిమా ఈవెంట్ లో పాల్గొన్న సి.కళ్యాణ్..

గోపీచంద్ మలినేని, తన కాంబినేషన్ లో ఓ బ్లాక్ బస్టర్ రావాల్సిందని.. కానీ ప్రాజెక్ట్ కుదరలేదని అన్నారు. రీసెంట్ గా సంక్రాంతికి వచ్చిన ‘వీరసింహారెడ్డి’ సినిమాను కూడా తనే నిర్మించాల్సి ఉందని.. కానీ అది మరొకరి చేతికి వెళ్లిందని అన్నారు. ఆ విధంగా బాలయ్యతో చేయాలనుకున్న సినిమాలు మిస్ అయినట్లు వివరించారు నిర్మాత సి.కళ్యాణ్. మొత్తానికి ‘క్రాక్’ లాంటి హిట్ సినిమాను బాలయ్య మిస్ చేసుకున్నారు.

కానీ ‘క్రాక్’ విడుదలైన ఏడాదిలోనే ‘అఖండ’తో భారీ విజయాన్ని అందుకున్నారు బాలయ్య. ప్రస్తుతం ఆయన వరుస సినిమాలు ఒప్పుకుంటున్నారు. ప్రస్తుతం అనిల్ రావిపూడి సినిమా కోసం సిద్ధమవుతున్నారు బాలయ్య. ఇందులో ఆయన క్యారెక్టర్ డిఫరెంట్ గా ఉంటుందని చెబుతున్నారు. ఈ సినిమాతో బాలయ్య ఎలాంటి హిట్ అందుకుంటారో చూడాలి!

రైటర్‌ పద్మభూషణ్‌ సినిమా రివ్యూ & రేటింగ్!
రెబల్స్ ఆఫ్ తుపాకుల గూడెం సినిమా రివ్యూ & రేటింగ్!

మైఖేల్ సినిమా రివ్యూ & రేటింగ్!
టాలీవుడ్ లో రీమిక్స్ చేసిన 20 తెలుగు పాటలు ఇవే!