‘బాలయ్యది చిన్న పిల్లాడి మనస్తత్వం. పైగా నూటికి నూరు శాతం డైరెక్టర్స్ హీరో..! డైరెక్టర్ ఏమి చెబితే అది చేసేస్తుంటాడు. ఆయన మొహమాటంతో సినిమాలు చేసి చేతులు కాల్చుకున్న సందర్భాలు చాలా ఉన్నాయి’ అని ఇండస్ట్రీలో చాలా మంది చెబుతుంటారు. సరే ఇప్పుడు ఈ విషయాలు ఎందుకు చెబుతున్నాను? అనే డౌట్ మీకు రావొచ్చు. అసలు మేటర్లోకి వెళ్దాం..! ఎన్టీఆర్ కథానాయకుడు’ ‘ఎన్టీఆర్ మహానాయకుడు’ ‘రూలర్’ వంటి వరుస డిజాస్టర్స్ తో అభిమానులను నిరాశపరిచాడు బాలయ్య.
దీంతో దర్శకుడు బోయపాటి శ్రీనుతో చేస్తున్న ‘అఖండ’ తో హిట్టు కొట్టి వాళ్ళని సంతోషపెట్టాలని భావిస్తున్నాడు బాలయ్య. అటు తర్వాత గోపీచంద్ మలినేని, అనిల్ రావిపూడి వంటి సక్సెస్ ఫుల్ దర్శకులతో సినిమాలు చేయడానికి కూడా రెడీ అవుతున్నాడు. ఇక్కడి వరకు బాగానే ఉంది కానీ.. గతంలో ప్లాప్ లు ఇచ్చిన దర్శకులతో సినిమాలు చేయడానికి కూడా బాలయ్య ఇంట్రెస్ట్ చూపిస్తుండడం మళ్ళీ ఆయన అభిమానులను టెన్షన్ పెడుతుంది. ‘పైసా వసూల్’ వంటి ప్లాప్ ఇచ్చిన దర్శకుడు పూరి జగన్నాథ్ తో బాలయ్య ఓ సినిమా చేయడానికి రెడీ అవుతున్నాడు.
అలాగే ఫేడౌట్ అయిపోయిన దర్శకుడు బి.గోపాల్ తో కూడా బాలయ్య ఓ సినిమా చేయబోతున్నట్లు చాలా కాలం నుండీ ప్రచారం జరుగుతుంది. అంతేకాదు ఇప్పుడు ఈ లిస్ట్ లోకి మరో దర్శకుడు వచ్చాడు. అతనే శ్రీవాస్. గతంలో బాలయ్యకి ‘డిక్టేటర్’ వంటి ప్లాప్ ని ఇచ్చాడు శ్రీవాస్. ఇప్పుడు మళ్ళీ బాలయ్యతో సినిమా చేయాలని ప్రయత్నాలు మొదలుపెట్టాడట. సి. కళ్యాణ్ ఈ చిత్రాన్ని నిర్మిస్తారని టాక్ వినిపిస్తుంది. మరి ఈ వార్తలో ఎంత వరకు నిజముందో తెలియాల్సి ఉంది.
Most Recommended Video
తన 19 ఏళ్ళ కెరీర్ లో నితిన్ రిజెక్ట్ చేసిన సినిమాల లిస్ట్..!
వింటేజ్ ఫిల్మ్ ఫేర్ కవర్స్ పై మన తారలు!
టాలీవుడ్లో రీమేక్ అయిన ఈ 9 సినిమాలు..తమిళంలో విజయ్ నటించినవే..!
