Bhairavam Collections: ‘భైరవం’ ఓపెనింగ్స్.. ‘ఖలేజా’ వల్ల దెబ్బ పడిందిగా!

బెల్లంకొండ సాయి శ్రీనివాస్ (Bellamkonda Sai Sreenivas) హీరోగా మంచు మనోజ్ (Manchu Manoj) , నారా రోహిత్ (Nara Rohith)  వంటి హీరోలు కీలక పాత్రల్లో తెరకెక్కిన చిత్రం ‘భైరవం'(Bhairavam). విజయ్ కనకమేడల (Vijay Kanakamedala) దర్శకత్వంలో తెరకెక్కిన ఈ చిత్రాన్ని ‘శ్రీ సత్య సాయి ఆర్ట్స్’ బ్యానర్ పై కె.కె.రాధామోహన్ (K. K. Radhamohan) నిర్మించారు. టీజర్, ట్రైలర్, ‘గిచ్చమాకు.. గిచ్చమాకు’ అనే పాట వంటివి కొంత బజ్ ఏర్పడేలా చేశాయి. ఇది తమిళంలో సూపర్ హిట్ అయిన ‘గరుడన్’ కి రీమేక్ కావడంతో ఓ సెక్షన్ ఆఫ్ ఆడియన్స్ ఆసక్తి చూపారు.

Bhairavam Collections

కానీ మొదటి రోజు సినిమాకి మిక్స్డ్ టాక్ వచ్చింది. హీరోల పెర్ఫార్మన్స్ బాగున్నప్పటికీ.. కథనంలో ల్యాగ్ ఉందని కొందరు అభిప్రాయపడ్డారు. ఓపెనింగ్స్ కూడా సో సో గానే వచ్చాయి. ఒకసారి ఫస్ట్ డే కలెక్షన్స్ ని గమనిస్తే :

‘భైరవం’ చిత్రానికి రూ.15 కోట్ల థియేట్రికల్ బిజినెస్ జరిగింది . ఈ సినిమా బ్రేక్ ఈవెన్ కొరకు రూ.15.5 కోట్ల షేర్ ను రాబట్టాలి. మొదటి రోజు ఈ సినిమా రూ.1.73 కోట్ల షేర్ ను రాబట్టింది. గ్రాస్ పరంగా రూ.3 కోట్లు కలెక్ట్ చేసింది. బ్రేక్ ఈవెన్ కోసం ఈ సినిమా మరో రూ.13.77 కోట్ల షేర్ ను రాబట్టాలి. ‘ఖలేజా'(4K) రీ- రిలీజ్ వల్ల ఈ సినిమా బుకింగ్స్ కి ఇబ్బంది ఎదురైంది అని ఈ కలెక్షన్స్ తో అర్ధం చేసుకోవచ్చు.

పవన్ కళ్యాణ్ కోపం కరెక్ట్ కాదు అంటున్న ఆర్.నారాయణ మూర్తి !