Shashtipoorthi Review in Telugu: షష్టిపూర్తి సినిమా రివ్యూ & రేటింగ్!

తొలిచూపులో ప్రేమించిన జానకి (ఆకాంక్ష సింగ్) కోసం అబద్ధం చెప్పడం మొదలెడతాడు.

నిజాయితీపరుడిగా పెంచిన తన కొడుకు ఇలా అన్యాయానికి కొమ్ము కాయడంతో కలత చెందిన భువనేశ్వరి, 30 ఏళ్ల పెళ్లి బంధానికి స్వస్తిపలుకుతూ భర్త దివాకరం (రాజేంద్రప్రసాద్)కు విడాకుల నోటీస్ పంపుతుంది.

తల్లిదండ్రుల మధ్య రేగిన చిచ్చు ఏమిటి? కొడుకు రామ్ దాన్ని ఏ విధంగా సాల్వ్ చేశాడు? అనేది “షష్టిపూర్తి” (Shashtipoorthi) కథాంశం.

నటీనటుల పనితీరు: రాజేంద్రప్రసాద్ మరోసారి బరువైన పాత్రలో ఆకట్టుకున్నాడు. మంచి వేరియేషన్స్ ఉన్న క్యారెక్టర్ కావడంతో, తన సత్తాను ఘనంగా చాటుకున్నాడు. రాజేంద్రప్రసాద్ తో సమానమైన నటప్రతిభతో ఆకట్టుకుంది అర్చన. ఎమోషనల్ సీన్స్ లో ఆమె నటన అలరిస్తుంది. ఆకాంక్ష సింగ్ పాత్రకి సరైన క్లారిటీ లేకపోయినా.. ఆమె నటన మాత్రం డీసెంట్ గా ఉంది. లిప్ సింక్ ఇవ్వడానికి విశ్వప్రయత్నం చేసింది. ఇక రూపేష్ కథానాయకుడిగా, నిర్మాతగా ఈ చిత్రంలో ద్విపాత్రాభినయం పోషించాడు. నిర్మాతగా అస్సలు కాంప్రమైజ్ అవ్వలేదు. నటుడిగా మాత్రం ఇంకా పరిణితి చెందాల్సిన అవసరం చాలా ఉంది. డైలాగ్స్ విషయంలో పర్లేదు కానీ.. ఎక్స్ ప్రెషన్స్ విషయంలో మాత్రం ఇంకా ఇంప్రూవ్ అవ్వాలి.

సాంకేతికవర్గం పనితీరు: ఇళయరాజా సంగీతం వినసొంపుగా ఉంది. నేపథ్య సంగీతం డీసెంట్ గా ఉంది. కెమెరా వర్క్, ప్రొడక్షన్ డిజైన్ & ఆర్ట్ వర్క్ వంటివన్నీ నీట్ గా ఉన్నాయి. నిజానికి సినిమాకి కావాల్సినదానికంటే ఎక్కువే ఖర్చు చేశారు.

దర్శకుడు పవన్ ప్రభ కోర్ పాయింట్ ను “ఏప్రిల్ 1 విడుదల” నుంచి స్ఫూర్తి పొంది, దానికి కంప్లీట్ ఆపోజిట్ గా పిక్ చేసుకొని వింటేజ్ ఫీల్ ఇవ్వడానికి ప్రయత్నించాడు. అయితే.. పాయింట్ డీసెంట్ అయినప్పటికీ, టీట్మెంట్ చాలా ఓల్డ్ ఫార్మాట్ లో ఉండడం అనేది సినిమాకి మైనస్ గా మారింది. మరీ ముఖ్యంగా సంభాషణల్లో పట్టు లోపించింది. ఇక.. కాన్ఫ్లిక్ట్ పాయింట్స్ ను డీల్ చేసిన విధానం చాలా సిల్లీగా ఉంది. ఇంత చిన్న పాయింట్ ను 30 ఏళ్లుగా సాగదీయడం అనేది కామెడీ అయిపోయింది. ఎంతో డీప్ ఎమోషన్ పండాల్సిన సందర్భాలు, సన్నివేశాలు కూడా సరిగా వర్కవుట్ అవ్వలేదు. అందువల్ల.. కథకుడిగా, దర్శకుడిగా ఆకట్టుకోలేకపోయాడని చెప్పాలి.

విశ్లేషణ: మంచిని మంచిగా చెప్పడం ఎంత ముఖ్యమో, అదే మంచిని ఆసక్తికరంగా చెప్పడం కూడా అంతే ముఖ్యం. దర్శకుడు పవన్ ప్రభ ఈ పాయింట్ ను పెదచేవిన పెట్టి, 80ల నాటి టేకింగ్ స్టైల్ తో “షష్టిపూర్తి” చిత్రాన్ని తెరకెక్కించడం అనేది పెద్ద రిస్క్. ప్రెజెంట్ జనరేషన్ ఆడియన్స్ మాత్రమే కాదు, పాతతరం ప్రేక్షకులు కూడా కొత్త తరహా మేకింగ్ ను ఇష్టపడుతున్నారు. ఈ విషయాన్ని పవన్ ప్రభ కాస్త సీరియస్ గా తీసుకుంటే అతని భవిష్యత్ సినిమాలైనా జనరంజకంగా ఉంటాయి.

ఫోకస్ పాయింట్: ఈ తరం ప్రేక్షకులకి ఈ టైప్ ట్రీట్మెంట్ కష్టం!

రేటింగ్: 1.5/5