సాగర్ కె చంద్ర డైరెక్షన్ లో పవన్ కళ్యాణ్, రానా హీరోలుగా తెరకెక్కుతున్న భీమ్లా నాయక్ సినిమా నుంచి గత నెల ఆగష్టు 15వ తేదీన విడుదలైన ఫస్ట్ గ్లింప్స్ ప్రేక్షకులను ఆకట్టుకున్న సంగతి తెలిసిందే. పవన్ కళ్యాణ్ ను హైలెట్ చేస్తూ రిలీజైన టీజర్ కు ప్రేక్షకుల నుంచి పాజిటివ్ రెస్పాన్స్ వచ్చింది. ఈ నెల 2వ తేదీన పవన్ పుట్టినరోజు కానుకగా ఈ సినిమా నుంచి రిలీజైన ఫస్ట్ సింగిల్ రికార్డు స్థాయిలో వ్యూస్ సాధించింది.
అయితే ఈ సినిమా నుంచి మరో టీజర్ రిలీజ్ కు డేట్ ఫిక్స్ అయిందని తెలుస్తోంది. ఈ నెల 17వ తేదీన మేకర్స్ డేనియల్ శేఖర్ గా రానాను పరిచయం చేస్తూ టీజర్ ను రిలీజ్ చేయనున్నారని సమాచారం. అయితే చిత్రయూనిట్ నుంచి ఈ మేరకు అధికారక ప్రకటన రావాల్సి ఉంది. ఈ సినిమాలో ఐశ్వర్య రాజేష్, నిత్యా మీనన్ హీరోయిన్లుగా నటిస్తుండగా చాలా సంవత్సరాల తర్వాత నిత్యామీనన్ తెలుగులో నటిస్తున్నారు.
వచ్చే ఏడాది సంక్రాంతి కానుకగా థియేటర్లలో ఈ సినిమా రిలీజ్ కానుందని తెలుస్తోంది. రికార్డ్ స్థాయిలో ఈ సినిమాకు ప్రీ రిలీజ్ బిజినెస్ జరుగుతుండగా జనవరి 12వ తేదీనే ఈ సినిమాను రిలీజ్ చేయాలని మేకర్స్ ఫిక్స్ అయ్యారు. త్రివిక్రమ్ ఈ సినిమాకు స్క్రీన్ ప్లేతో పాటు మాటలు కూడా అందిస్తున్నారు. ఎస్ రాధాకృష్ణ భారీ బడ్జెట్ తో ఈ సినిమాను నిర్మిస్తుండటం గమనార్హం.
Most Recommended Video
టక్ జగదీష్ సినిమా రివ్యూ & రేటింగ్!
సీటీమార్ సినిమా రివ్యూ & రేటింగ్!
తలైవి సినిమా రివ్యూ & రేటింగ్!
Home