‘ఆచార్య’ చిత్రం ప్లాప్ కావడంతో చిరంజీవి.. దర్శకుడు మెహర్ రమేష్ కు షాక్ ఇచ్చారని… ఆయనతో చేస్తున్న ‘భోళా శంకర్’ చిత్రాన్ని పక్కన పెట్టారని, ఈ ప్రాజెక్టు ఇక ఆగిపోయినట్టే అని… రకరకాల వార్తలు, కామెంట్స్… గత రెండు, మూడు రోజులుగా అటు మీడియాలో ఇటు సోషల్ మీడియాలో హల్ చల్ చేస్తూ వచ్చాయి. ఇవి వట్టి ఊహాగానాలే అని చిత్ర బృందం కొట్టిపారేసింది. త్వరలోనే అంటే జూన్ 21 నుండి ‘భోళా శంకర్’ కొత్త షెడ్యూల్ ను ప్రారంభించబోతున్నట్టు కూడా చిత్ర బృందం అధికారికంగా ప్రకటించింది.
దీంతో ఆ రూమర్స్ కు ఫుల్ స్టాప్ పడినట్టు అయ్యింది. ఆల్రెడీ ఈ చిత్రం షూటింగ్ 40 శాతం పైనే కంప్లీట్ అయ్యింది. ఇక కొత్త షెడ్యూల్ లో కీలక యాక్షన్ సన్నివేశాలు చిత్రీకరిస్తారని తెలుస్తుంది. తమిళంలో సూపర్ హిట్ అయిన ‘వేదాలం’ చిత్రానికి రీమేక్ గా ‘భోళా శంకర్’ తెరకెక్కుతుంది. అక్కడ అజిత్ చేసిన పాత్రని ఇక్కడ చిరు చేస్తున్నారు.ఈ చిత్రంలో చిరు కి చెల్లెలి పాత్రలో స్టార్ హీరోయిన్ కీర్తి సురేష్ కనిపించనుంది.
ఇక మెయిన్ హీరోయిన్ గా తమన్నా నటించబోతుంది. కోల్ కతా నేపథ్యంలో ఈ చిత్రం తెరకెక్కుతుంది. ‘చూడాలని ఉంది’ చిత్రం కూడా కోల్ కతా నేపథ్యంలోనే జరిగిన సంగతి తెలిసిందే. ఆ చిత్రంలానే ‘భోళా శంకర్’ కూడా ప్రేక్షకులను అలరిస్తుంది అని చిత్ర బృందం ధీమాగా చెబుతుంది. ‘ఎకె ఎంటర్టైన్మెంట్స్’ మరియు ‘క్రియేటివ్ కమర్షియల్స్’ బ్యానర్ పై కె.ఎస్.రామారావు తో కలిసి అనిల్ సుంకర ఈ చిత్రాన్ని నిర్మించబోతున్నారు. మణిశర్మ కొడుకు మహతి స్వర సాగర్ ఈ చిత్రానికి సంగీతం అందిస్తున్నారు.
Most Recommended Video
విక్రమ్ సినిమా రివ్యూ & రేటింగ్!
వెంకీ టు నితిన్… ఛాలెంజింగ్ పాత్రలు చేసిన 10 మంది హీరోల లిస్ట్
ప్రభాస్ టు నాని… నాన్ థియేట్రికల్ రైట్స్ రూపంలో భారీగా కలెక్ట్ చేసే హీరోలు..!
Home