మెగాస్టార్ చిరంజీవి హీరోగా రూపొందుతున్న మరో సూపర్ హిట్ రీమేక్ చిత్రం ‘భోళా శంకర్. ఆగస్టు 11న ఈ చిత్రం రిలీజ్ కాబోతోంది. ‘ఏకే ఎంటర్టైన్మెంట్స్’ బ్యానర్ పై రూపొందుతున్న ఈ చిత్రానికి మెహర్ రమేష్ దర్శకత్వం వహించాడు. కొంచెం గ్యాప్ తర్వాత మెహర్ రమేష్ డైరెక్ట్ చేసిన మూవీ ఇది. సినిమా ఔట్పుట్ తో టీం కాన్ఫిడెంట్ గా ఉన్నట్లు చెబుతున్నారు. కానీ ఈ సినిమా పై ఆశించిన స్థాయిలో బజ్ ఏర్పడలేదు. మెహర్ రమేష్ గత చిత్రాలు నిరాశపరచడం.. దీంతో పదేళ్ల పాటు ఆయన ఇండస్ట్రీకి దూరమవ్వడం.. ఇక టీజర్లోని విజువల్స్ అన్నీ ఓ 15 ఏళ్ళ క్రితం వచ్చిన మాస్ అండ్ యాక్షన్ సినిమాలను పోలి ఉండటంతో సినిమా పై హైప్ ఏర్పడలేదు.
పాటలన్నీ యావరేజ్ రెస్పాన్స్ ను మాత్రమే రాబట్టుకున్నాయి. ఈ క్రమంలో సినిమాపై హైప్ పెంచేందుకు కొద్దిసేపటి క్రితం ట్రైలర్ ను విడుదల చేశారు. 2 నిమిషాల 25 నిమిషాల నిడివి గల ‘భోళా శంకర్’ ట్రైలర్… మొత్తం యాక్షన్ ఎలిమెంట్స్ తో నిండి ఉంది. విలన్లు చెప్పే డైలాగులు కూడా అలాగే ఉన్నాయి. ‘నీ వెనుక మాఫియా ఉంటే..
నా వెనుక దునియా ఉంది’ ‘నన్ను టచ్ చేయాలి అంటే నన్ను మించినోడు రావాలి’ అంటూ విలన్లు చెప్పే డైలాగులు పరమ రొటీన్ గా అనిపిస్తాయి. ఇక చాలా వరకు ఫేమ్ ఉన్న టాలీవుడ్ కమెడియన్లు ఈ ట్రైలర్లో కనిపించారు. బ్యాక్ గ్రౌండ్ స్కోర్ సో సో గా ఉంది. నిర్మాతలు గట్టిగానే బడ్జెట్ పెట్టినట్టు స్పష్టమవుతుంది కానీ అన్నీ కూడా ఒకప్పటి సినిమాల్లో చూసిన విజువల్స్ లానే ఉన్నాయి. ట్రైలర్ ను మీరు కూడా ఓ లుక్కేయండి :
Home