బిగ్బాస్ సీజన్‌ 4లో రెండో వారం ఈ రోజు రాత్రి నుండి షురూ అవుతోంది. తొలివారం జరిగిన విషయాలను, వీకెండ్‌లో మూటగట్టుకున్న ఆనందంతో హౌస్‌మేట్స్‌ రెండో వారంలోకి అడుగుపెట్టారు. అయితే అంతా కూల్‌గా ఉంటే బిగ్‌బాస్‌కు నచ్చదు కదా… అందుకే ఎప్పుడూ సోమవారమే నామినేషన్‌ పెడతాడు. అలా ఈ రోజే నామినేషన్‌ ప్రక్రియ పెట్టాడు. దాని కోసం పడవ ప్రయాణం టాస్క్‌ పెట్టాడు. గార్డెన్‌ ఏరియాలో ఓ పడవను పెట్టి… అందులోకి అందరినీ ఎక్కమన్నాడు.
ఒకసారి ఎక్కాక దిగకూడదు అని కూడా అన్నాడు. తర్వాత ప్రతిసారి పడవ ఒడ్డుకు వచ్చినప్పుడు హారన్‌ కొడతాం… అప్పుడు ఒకరు దిగాలి అని చెప్పాడు. అలా దిగినవాడే నామినేట్‌ అయినట్లు ప్రకటించాడు. ఇంకేముంది ప్రతి ఒడ్డు దగ్గర ఒకరిని దింపేలా పడవలో ఉన్న మిగిలిన హౌస్‌మేట్స్‌ ఒప్పించాలి. లేదంటే వాళ్లంత వారు దిగిపోవాలి. భలే ఉంది టాస్క్‌. నామినేషన్‌ ఏమో కానీ… దీని వల్ల గొడవలు, మజా మాత్రం పక్కా.
ఈ టాస్క్‌లో నేను ముందు దిగిపోతా అంటే, నేను ముందు దిగిపోతా అంటూ గంగవ్వ, నోయల్‌ అనడం ప్రోమోలో కనిపిస్తోంది. అయితే ఇద్దరే నామినేట్‌ అయితే బాగోదు. అందులో ఏడు ఒడ్లు ఉన్నాయని తెలుస్తోంది. కాబట్టి ఆ ఇద్దరు కాకుండా మరో ఐదుగురు కూడా నామినేట్‌ అవుతారు. అయితే ఈ రోజు నామినేట్‌ అయ్యేవారి జాబితా చూచాయగా మాకు తెలిసింది. దాని ప్రకారం చూస్తే హారిక, మోనాల్‌, కళ్యాణి, అభిజీత్‌, అమ్మ రాజశేఖర్ ఎలిమినేషన్‌లో జోన్‌లోకి వచ్చారు. అంటే మొత్తంగా ఈ సారి కూడా ఏడుగురు నామినేట్‌ అయ్యారన్నమాట. అయితే ఈ నామినేషన్‌ ప్రక్రియ ఎలా జరిగిందనేది ఈ రోజు ఎపిసోడ్‌లో చూడొచ్చు.
ఇప్పటవరకూ ఎవరు చూడని యాంకర్ లాస్య రేర్ ఫోటో గ్యాలరీ!
సినిమాకి.. సినిమాకి మధ్య ఎక్కువ గ్యాప్ తీసుకున్న టాలీవుడ్ హీరోలు వీళ్ళే?
బిగ్బాస్ 4 కంటెస్టెంట్స్ గురించి మీకు తెలియని ఆసక్తికరమైన విషయాలు!
Home