ఉదయాన్నే హుషారైన పాట… తర్వాత కాసిన్ని ముచ్చట్లు, ఆ తర్వాత ఓ టాస్క్‌… అదయ్యాక ఇంకొన్ని ముచ్చట్లు.. ఆ తర్వాత ఓ సరదా టాస్క్‌.. అదీ అయ్యాక ఇంకొన్ని సరదాలు… ఇదీ బిగ్‌బాస్‌ షో చూసే ప్రేక్షకుడు ఆశించేది. అలాంటి రోజు ఈ 33వ రోజు. అవును శుక్రవారం ఎపిసోడ్‌లో ఇలాంటివన్నీ జరిగాయి. ఇంకా ఈ రోజు ఏమేం చూపించారంటే!
* మార్నింగ్‌ మస్తీలో భాగంగా బిగ్‌బాస్‌ ఈ రోజు ఇంటి సభ్యులను ఏదైనా జీవిత సందేశం ఇవ్వమని ఆదేశించాడు. దీంతో నోయల్‌, అవినాష్‌, గంగవ్వ తమ జీవితంలో జరిగిన కొన్ని విషయాలను వివరించారు. వాటి నుంచి తెలుసుకోవాల్సింది ఏంటి, ఆచరించాల్సింది ఏంటి అనే వివరాలు కూడా చెప్పారు. తన తల్లి తనకు మంచి స్నేహితురాలని, ఆమె కోసం ఇక్కడకు వచ్చానని నోయల్‌ చెప్పాడు. ఓ తల్లిగా ఆమె పడ్డ కష్టం గురించీ వివరించాడు.
* బిగ్‌బాస్‌ ఈ వారం లగ్జరీ బడ్జెట్‌ టాస్క్‌ ఇచ్చాడు. రెండు స్లైడ్స్‌ పెట్టి వాటికి తాడు పెట్టాడు. ఆ తాడు పట్టుకొని పైన ఉన్న బొమ్మ జుట్టుకు అందించిన ట్యాగ్స్‌ తీసుకురమ్మని చెప్పాడు. ఇందులో అఖిల్‌ 11, మెహబూబ్‌ 12 ట్యాగ్స్‌ తీసుకున్నారు. అలా మెహబూబ్‌ టాస్క్‌లో గెలిచాడు.
* ఈ టాస్క్‌ తర్వాత… అఖిల్‌ గత లగ్జరీ బడ్జెట్‌ ఎంపిక నాటి విషయాన్ని గుర్తు చేసుకున్నాడు. ‘గత టాస్క్‌ సమయంలో నేను తప్పుగా ఫుడ్ ఆర్డర్‌ చేశానని అందరూ అన్నారు. కానీ ఇప్పుడు అలా వచ్చిన ఫుడ్‌ను అందరూ తింటున్నారు’ అంటూ గుర్తు చేశాడు. లగ్జరీ ఫుడ్ ఎంపికలో నేను సరిగ్గా పని చేయలేదని నన్ను నామినేట్‌ చేశారు అంటూ వీక్షకులక హింట్‌ ఇచ్చాడు.
* కొత్త కెప్టెన్‌ సోహైల్‌ నిద్ర పోతున్నాడంటూ బిగ్‌బాస్‌కు ఆరియానా లింక్‌ ఇచ్చింది. పదే పదే కెమెరాను చూస్తూ విషయం న్యాక్‌గా చెప్పేసింది. దీంతో ఇంట్లో చాలా రోజుల తర్వాత కుక్కలు మొరిగాయి. అన్నట్లు పాత కెప్టెన్‌ కుమార్‌ సాయి విషయంలోనూ ఇలానే జరిగింది.
* బిగ్‌బాస్‌ ఎవరికీ కనిపించడు.. మాటలు మాత్రమే వినిపిస్తాయి. ఇది అందరికీ తెలిసిందే. అయితే ఈసారి బిగ్‌బాస్‌ను మీ మధ్యకే తీసుకొస్తా అంటూ బిగ్‌బాస్‌ కొత్త టాస్క్‌ను క్రియేట్‌ చేశాడు. అది కాస్త ఓవర్‌ అనిపించినా… బిగ్‌బాస్‌ ఆత్మ ఆవహించాక అవినాష్‌ చేసిన సందడి అయితే సూపర్‌. ఒక్కో ఇంటి సభ్యులు అడిగిన ప్రశ్నలకు బిగ్‌బాస్‌ ఆత్మ సమాధానాలిచ్చింది.
* చాలా రోజుల తర్వాత సాగదీత టాస్క్‌లు లేకపోవడంతో ఇంటి సభ్యులు ఈ రోజు జాలీగా కనిపించారు. అమ్మ రాజశేఖర్‌, అవినాష్‌, ఆరియానా, సోహైల్‌, కుమార్‌ సాయి, అఖిల్‌, దివి సరదాగా పాటలు పాడుకుంటూ కనిపించారు. ప్రేమ పాటలు, విరహ గీతాలు, రీమిక్స్‌ పాటలు పాడుకుంటూ ఎంజాయ్‌ చేశారు. పాటలకు ఫన్నీగా స్టెప్పులు వేస్తూ అలరించారు.
* రాత్రి అందరూ నిద్రపోతున్న సమయంలో మోనాల్‌, దివి, అమ్మ రాజశేఖర్‌, అవినాష్‌ మధ్య ఓ చర్చ జరిగింది. చర్చ అనడం కంటే మోనాల్‌ బ్రెయిన్‌ వాష్‌ చేయడానికి ట్రై చేశారు. మోనాల్‌కు నేనంటేనే ఇష్టం అంటూ అఖిల్‌, అభిజీత్‌ అనుకుంటున్నారని దివి చెప్పింది. నామినేషన్‌ కంటే ముందు ఇద్దరితో మాట్లాడి ‘నువ్వంటే ఇష్టం అని క్రియేట్‌ చేయడం’ నీ మిస్టేక్‌ అంటూ దివి మోనాల్‌కు చెప్పింది. అయితే అఖిల్‌ను నమ్మొచ్చు అని మాస్టర్‌ అంటే… ఇద్దరూ జెన్యూన్‌ అని దివి చెప్పింది. మరి ఈ మాటలు మోనాల్‌ వింటుందో, లేదంటే గతంలోలాగే మళ్లీ అఖిల్‌, అభిజీత్‌ మధ్య చర్చకు పెడుతుందో చూడాలి.
Most Recommended Video
చిన్నపిల్లలుగా మారిపోయిన ‘బిగ్ బాస్4’ కంటెస్టెంట్స్.. ఎలా ఉన్నారో మీరే చూడండి..!
‘సర్జరీ’ చేయించుకున్న హీరోయిన్లు వీళ్ళే!
భీభత్సమైన బ్లాక్ బస్టర్ ఇచ్చిన హీరోలే తరువాత భయంకరమైన డిజాస్టర్లు కూడా ఇచ్చారు…!
