Neha Chowdary: నేహా చౌదరికి కాబోయే భర్త ఎవరో తెలుసా.. వీడియో వైరల్..!

సెలబ్రిటీల వెడ్డింగ్ న్యూస్ అంటే మీడియా, సోషల్ మీడియాలో ఆ సందడే వేరేలా ఉంటుంది.. ఈమధ్యే హీరోయిన్ హన్సిక తనక్కాబోయే వాణ్ణి పరిచయం చేసింది. నాగ శౌర్య రీసెంట్‌గా పెళ్లి చేసేసుకున్నాడు. మరోవైపు టాలీవుడ్ నుండి బాలీవుడ్ వరకు స్టార్ల మ్యారేజెస్, డివోర్స్ గురించిన వార్తలు వస్తూనే ఉన్నాయి. వైరల్ అవుతూనే ఉన్నాయి. ఇప్పుడీ లిస్టులో చేరింది పాపులర్ టాలీవుడ్ యాంకర్ నేహా చౌదరి..‘నా పెళ్లి గోల మొదలైంది’ అంటూ వీడియో ద్వారా తన లైఫ్‌లోకి రాబోయే వ్యక్తిని ఇంట్రడ్యూస్ చేసింది.

తనంతట తానే డైరెక్ట్‌గా వీడియో చేసి రివీల్ చేస్తే థ్రిల్ ఏముంటుంది అనుకుందేమో కానీ వెరైటీగా ఉంటుందని తన ఫ్రెండ్స్‌ని పిలిచి వారి సమక్షంలో వరుడు ఎవరనే విషయం చెప్పుకొచ్చింది.. తెలుగులో పలు టీవీ షోలతో పాటు, స్పోర్ట్స్‌కి కూడా యాంకరింగ్ చేసి ఆకట్టుకుంది నేహా చౌదరి.. బిగ్ బాస్ హౌస్‌కి కూడా వెళ్లొచ్చింది. అప్పటినుండి మరింత పాపులర్ అయింది. మా అమ్మ పెళ్లి సంబంధాలు చూస్తుంది అని హౌస్‌లోకి ఎంట్రీ ఇచ్చినప్పుడే చెప్పింది..

అప్పటినుండి వీలు కుదిరినప్పుడల్లా నేహా పెళ్లి వార్తలు వస్తూనే ఉన్నాయి. ఇక లాభం లేదని స్వయంగా తానే పెళ్లి మేటర్ రివీల్ చేసింది. తన యూట్యూబ్ ఛానెల్ ద్వారా వివరాలు చెప్పుకొచ్చింది. ఈ రివీలింగ్ ప్రోగ్రామ్‌కి యాంకర్ ప్రశాంతి, అంజలి, ఆర్జే కాజల్, సింగర్ లిప్సిక లాంటి వాళ్లను ఇన్‌వైట్ చేసింది. హైలెట్ ఏంటంటే.. పెళ్లి చూపులప్పుడు పెద్దవాళ్లు అమ్మాయిని అడిగే ప్రశ్నలన్నీ వీళ్లే నేహాని అడిగారు. ఇక నేహా తను చేసుకోబోయే వ్యక్తి పేరు అనిల్ అని..

ఇద్దరం గత 13 సంవత్సరాలుగా మంచి స్నేహితులమని.. పెద్దల అంగీకారంతోనే ఒక్కటవ్వబోతున్నామని తెలిపింది. అనిల్ ఫోటోను తన స్నేహితులకు మాత్రమే చూపించింది కానీ ఆడియన్స్‌కి చూపించకుండా సస్పెన్స్‌లో పెట్టేసింది. మొత్తానికి గుడ్ న్యూస్ చెప్పావంటూ తోటి యాంకర్స్, నెటిజన్లు సోషల్ మీడియా ద్వారా విషెస్ తెలియజేస్తున్నారు. ప్రస్తుతం నేహా చౌదరి తన సొంత ఛానెల్‌లో పోస్ట్ చేసిన ‘నా పెళ్లి గోల మొదలైంది’ వీడియో తెగ వైరల్ అవుతోంది.

ఆహ నా పెళ్లంట వెబ్ సిరీస్ రివ్యూ& రేటింగ్!
గాలోడు సినిమా రివ్యూ & రేటింగ్!

మసూద సినిమా రివ్యూ & రేటింగ్!
సూపర్ స్టార్ కృష్ణ ట్రెండ్ సెట్టర్ అనడానికి 10 కారణాలు!