పదమూడు దేశాల్లో సక్సెస్ ఫుల్ గా రన్ అయిన “బిగ్ బాస్” తెలుగు వెర్షన్ షో మా టీవీలో మొదలవ్వడానికి ముందు “అసలు సక్సెస్ అవుతుందా?, తెలుగువారికి ఈ ఆంగ్ల షోలు నచ్చుతాయా?, అసలు మనోళ్ళు ఇలాంటి షోలు నచ్చుతాయంటారా?” అంటూ బోలెడు అనుమానాలు, అపోహలు. అయితే.. వాటన్నిట్నీ తారుమారు చేస్తూ “బిగ్ బాస్” ఫస్ట్ సీజన్ సూపర్ హిట్ అయ్యింది. ఇప్పటివరకూ ఏ టీవి సీరియల్ కు రానంతగా టీయార్పీ రేట్ రావడం అందర్నీ ఆశ్చర్యచకితుల్ని చేసింది. ప్రోగ్రామ్ థీమ్ తోపాటు ఎన్టీయార్ హోస్టింగ్ సినిమాకి విపరీతంగా ప్లస్ అయ్యింది.
అయితే.. నిన్నటితో ముగిసిన “బిగ్ బాస్” సెకండ్ సీజన్ గురించి అప్పూడే టాక్స్ మొదలయ్యాయ్. సెకండ్ సీజన్ కు కూడా ఎన్టీయారే హోస్ట్ గా ఉంటాడని మొదట వార్తలొచ్చినప్పటికీ.. సెకండ్ సీజన్ హోస్ట్ గా నాని పేరు ప్రముఖంగా వినిపిస్తోంది. విశేషమైన కామెడీ టైమింగ్, జనాల్లో మంచి ఫాలోయింగ్, సోషల్ మీడియాలో పాపులారిటీ కలిగి ఉన్న నాని అయితేనే సెకండ్ సీజన్ కు న్యాయం జరుగుతుందని సదరు షో నిర్వాహకులు తలంచి.. నానీని ఫిక్స్ చేశారని తెలుస్తోంది.
