బిగ్ బాస్ హౌస్ లో కంటెంట్ కోసం కంటెస్టెంట్స్ నానాపాట్లు పడుతున్నారు. 19మందిలో ఎవరికి ఎంత స్క్రీన్ స్పేస్ దొరుకుతుందో తెలియక , ఏం చేయాలో కూడా పాలుపోక ఆఖరికి ప్రాంక్స్ కూడా చేసేస్తున్నారు. ముఖ్యంగా సిరి హన్మంత్ ఈవిషయంలో పిచ్చ స్మార్ట్ గా ఉందనే చెప్పాలి. హౌస్ లోకి వచ్చిన ఫస్ట్ డేనే హౌస్ మేట్స్ వస్తువులని జెస్సీతో కలిసి దాచేసింది. ఆ తర్వాత కాసేపు నటించి తానే ఈపని చేసానని చెప్పుకొచ్చింది. ఇప్పుడు లోబోతో కలిసి ఏకంగా గొడవకే దిగింది.
ముఖం గురించి మాట్లాడితే ముఖంపగిలిపోద్ది అంటూ రెచ్చిపోయింది సిరి. సరదాగా స్టార్ట్ అయిన ఈ గొడవ చిలికి చిలికి గాలివాన అవుతోందని హౌస్ మేట్స్ అందరూ ఆశ్చర్యంగా చూస్తుంటే లోబో సిరి ఇద్దరూ ఇది ప్రాంక్ అని తేల్చేశారు. దీంతో తిక్కరేగిన సరయుకి కంటెంట్ కోసం ఇది చేసావా అంటూ కౌంటర్ వేసింది. ఆ మాటకి కాసేపు ముఖం అదోలా పెట్టి బాధపడింది సిరి. ఇక ఎమోషన్స్ తో గేమ్స్ ఆడద్దు అంటూ నటరాజ్ మాస్టర్ స్వీట్ వార్నింగ్ ఇచ్చారు.
ఈ విషయాన్ని లోబో స్మోకింగ్ రూమ్ లో తానేం పాపం ఎరగను అని, సిరినే వచ్చి బలవంతంగా నాతో ఇలా చేయించిందని మాకీకసమ్ అంటూ అమాయకంగా పొగలు ఊదుతున్న సరయుతో చెప్పాడు. ఇక్కడితో లోబో నిర్ధోషిగా మారితే, అనవసరపు ప్రాంక్ చేసిన సిరి బొక్కబోర్లా పడినంత పనైంది. అదీ మేటర్.
[yop_poll id=”2″]
Most Recommended Video
తన 16 ఏళ్ల కెరీర్ లో అనుష్క రిజెక్ట్ చేసిన సినిమాల లిస్ట్..!
ఈ 15 సినిమాలకి సంగీతం ఒకరు.. నేపధ్య సంగీతం మరొకరు..!
Home
