టాలీవుడ్ స్టార్ హీరో ప్రభాస్ బాహుబలి సిరీస్ సినిమాలతో పాటు సాహో సినిమాతో బాలీవుడ్ ఇండస్ట్రీలో సత్తా చాటారనే సంగతి తెలిసిందే. అక్కడి స్టార్ హీరోలకు ప్రభాస్ గట్టి పోటీని ఇస్తున్నారు. టాక్ తో సంబంధం లేకుండా ప్రభాస్ సినిమాలు బాలీవుడ్ ఇండస్ట్రీలో చెప్పుకోదగ్గ స్థాయిలో కలెక్షన్లను సొంతం చేసుకుంటున్నాయి. శుక్రవారం రోజున ప్రభాస్ నటించిన రాధేశ్యామ్ సినిమా థియేటర్లలో విడుదలైంది. రాధేశ్యామ్ సినిమాకు మిక్స్డ్ టాక్ రాగా బాలీవుడ్ క్రిటిక్స్ మాత్రం హద్దులు దాటి ఈ సినిమా గురించి నెగిటివ్ గా రివ్యూలు ఇవ్వడం గమనార్హం.
బాలీవుడ్ క్రిటిక్ అనుపమ చోప్రా 42 సంవత్సరాల వయస్సు ఉన్న ప్రభాస్ కు 52 సంవత్సరాల వయస్సు ఉన్న భాగ్యశ్రీ తల్లిగా సూట్ కాలేదని కామెంట్లు చేశారు. వయస్సును బట్టి పాత్రల విషయంలో ప్రాధాన్యత ఇవ్వాలని ఆమె చెప్పుకొచ్చారు. ప్రభాస్ వయస్సు గురించి ప్రస్తావిస్తూ ఆమె చేసిన కామెంట్లు శృతి మించాయని ప్రభాస్ ఫ్యాన్స్ భావిస్తున్నారు. భాగ్యశ్రీకి బాలీవుడ్ లో నటిగా మంచి గుర్తింపు ఉందనే సంగతి తెలిసిందే. భాగ్యశ్రీని మెచ్చుకోవడంలో తప్పు లేదని అయితే ప్రభాస్ ఫ్యాన్స్ ఫీలయ్యేలా క్రిటిక్స్ వ్యవహరించడం మాత్రం సరికాదని కామెంట్లు వినిపిస్తున్నాయి.
మరి కొందరు బాలీవుడ్ క్రిటిక్స్ భాగ్యశ్రీ ప్రభాస్ కు చెల్లిలా ఉందని కామెంట్లు చేయడం గమనార్హం. బాలీవుడ్ మీడియా ప్రభాస్ ఎదుగుదలను ఓర్వలేక సినిమాల విషయంలో ఎక్కువగా దుష్ప్రచారం చేస్తోందని ఫ్యాన్స్ భావిస్తున్నారు. క్రిటిక్ తరణ్ ఆదర్శ్ సైతం రాధేశ్యామ్ సినిమా బాలేదని సోషల్ మీడియాలో పేర్కొన్నారు. బాలీవుడ్ ఆడియన్స్ కు సాధారణంగా క్లాస్ సినిమాలు కూడా నచ్చుతాయి.
అయితే రాధేశ్యామ్ సినిమా బాలీవుడ్ క్రిటిక్స్ ను ఆకట్టుకోకపోవడం గమనార్హం. రాధేశ్యామ్ సినిమా బాలీవుడ్ కలెక్షన్లు మాత్రం చెప్పుకోదగ్గ స్థాయిలో ఉన్నాయి. సోమవారం నుంచి ఈ సినిమా ఏ స్థాయిలో కలెక్షన్లను సాధిస్తుందో చూడాల్సి ఉంది.
Most Recommended Video
ఒకే ఫ్యామిలీలో రెండు జెనెరేషన్స్ కు చెందిన హీరోలతో జోడీ కట్టిన భామల లిస్ట్..!
‘గాడ్ ఫాదర్’ తో పాటు టాలీవుడ్లో రీమేక్ కాబోతున్న 10 మలయాళం సినిమాలు..!
ఈ 10 సినిమాలు తెలుగులోకి డబ్ అయ్యాక కూడా రీమేక్ అయ్యాయని మీకు తెలుసా..!
