మంచు మనోజ్‌ కుటుంబంలో ఎవరైనా నటుడు/నటి అడుగుపెడితే… కొన్నాళ్లు ఉండాల్సిందే అంటుంటారు. వరుస సినిమాల్లో అవకాశాలు ఇవ్వడమో, నటించమని అడగం లాంటివి చేస్తుంటారు. గతంలో చాలా మంది నటుల విషయంలో మనం ఇలాంటి ఆనవాయితీ చూశాం. ఇప్పుడు బాలీవుడ్ నటుడు సునీల్ శెట్టి విషయంలోనూ ఇదే జరుగుతోందా. అవుననే అంటున్నాయి టాలీవుడ్‌ వర్గాలు. మంచు మనోజ్‌ ప్రస్తుతం ‘అహం బ్రహ్మాస్మి’ అనే సినిమా చేస్తున్న విషయం తెలిసిందే. చాలా రోజుల క్రితమే మొదలైన ఈ సినిమా కరోనా పరిస్థితుల కారణంగా ఆలస్యమవుతూ వస్తోంది.
అయితే తిరిగి పరిస్థితులు చక్కబడటంతో సినిమా షూటింగ్‌ను తిరిగి ప్రారంభిస్తారట. ఈ క్రమంలో సినిమాలో ఒక కీలక పాత్ర కోసం నటుడి ఎంపికను ఫైనల్‌ చేసిందట చిత్రబృందం. అతనే బాలీవుడ్ నటుడు సునీల్ శెట్టి. సునీల్ శెట్టి పాత్ర క్లైమాక్స్‌లో ఎంటర్‌ అవుతుందట. అయితే పాత్ర నిడివి చిన్నదైనా సినిమాకు కీలకంగా ఉంటుందని అంటున్నారు. అందుకే ఆయన కూడా నటించడానికి ఓకే చెప్పారు అని అంటున్నారు.
సొంత నిర్మాణ సంస్థ ‘ఎమ్ ఎమ్ ఆర్ట్స్‌’ బ్యానర్‌పై ఈ సినిమాను మనోజ్‌, అతని కుటుంబం ఈ చిత్రాన్ని నిర్మిస్తున్నారు. దర్శకుడు శ్రీకాంత్ రెడ్డి ఈ సినిమాను తెరకెక్కిస్తున్నారు.
Most Recommended Video
పెళ్లి దాకా వచ్చి విడిపోయిన జంటలు!
తమిళ హీరోలు తెలుగులో చేసిన స్ట్రైట్ మూవీస్ లిస్ట్!
దర్శకులను ప్రేమించి పెళ్లి చేసుకున్న హీరోయిన్స్
