మహేష్ తో బోయపాటి సినిమా ఫిక్సయినట్టేనా..?

మాస్ డైరెక్టర్ బోయపాటి శ్రీను – రాంచరణ్ కాంబినేషన్లో తెరకెక్కిన ‘వినయ విధేయ రామా’ చిత్రం తాజాగా విడుదలైన సంగతి తెలిసిందే. ఫుల్ మాస్ అండ్ యాక్షన్ ఎంటర్టైనర్ గా ఈ చిత్రాన్ని తెరకెక్కించాడు బోయపాటి. ఈ చిత్ర ప్రమోషన్లలో భాగంగా.. ఇచ్చిన ఇంటర్వ్యూలో తన నెక్స్ట్ ప్రాజెక్ట్స్ కు సంబందించి ఆసక్తికరమైన విషయాలు తెలిపాడు.

గత కొంత కాలంగా బోయపాటి నెక్స్ట్ సినిమా బాలకృష్ణతోనే అంటూ వార్తలు వచ్చిన సంగతి తెలిసిందే. అయితే తాజాగా బోయపాటి టాలీవుడ్ సూపర్ స్టార్ మహేష్ బాబుతో ఓ చిత్రం చేయబోతున్నట్టు చెప్పుకొచ్చాడు. దీనికి సంబందించిన కథా చర్చలు కూడా జరిపినట్టు చెప్పుకొచ్చాడు. అంతే కాదు మహేష్ బాబు తో కచ్చితంగా సినిమా ఉంటుందని బలంగా చెబుతున్నాడు. అంతే కాదు మెగాస్టార్ చిరంజీవితో కూడా ఓ చిత్రం చేస్తానని బోయపాటి తెలియజేసాడు. అయితే మహేష్ అభిమానులు మాత్రం… బోయపాటితో సినిమా వద్దంటూ సోషల్ మీడియాలో కామెంట్లు పెడుతుండడం గమనార్హం. దీనికి ముఖ్య కారణం బోయపాటి ఊర మాస్ కథలు మహేష్ కు సెట్ అవ్వవని వారు చెప్పుకొస్తున్నారు. అయితే మహేష్ తో సినిమా కచ్చితంగా చేస్తానని బోయపాటి ‘దమ్ము’ చిత్రం రిలీజ్ సమయం నుండీ చెప్పుకొస్తున్నాడు. మరో 3, 4 సంవత్సరాల వరకూ మహేష్ కాల్ షీట్లు కాళీ లేవనడంలో సందేహం లేదు. ప్రస్తుతం ‘మహర్షి’ చిత్రతో బిజీగా ఉన్నాడు మహేష్. ఈ చిత్రం తరువాత సుకుమార్, సందీప్ రెడ్డి వంగా చిత్రాలు చేయాల్సి ఉంది. ఇక వీరితో పాటు కొరటాల శివ, త్రివిక్రమ్, అనిల్ రావిపూడి, రాజమౌళి, వంటి దర్శకులతో మహేష్ సినిమాలు చేయబోతున్నట్టు గత కొంత కాలంగా వార్తలొస్తున్నాయి. ఈ క్రమంలో బోయపాటితో సినిమా అంటే మరో 5 ఏళ్ళ పాటు టైం పడుతుందనడంలో సందేహం లేదు.