మెగాస్టార్ చిరంజీవి వరుస ప్రాజెక్ట్ లతో దూసుకుపోతున్నారు. ఇటీవల కొరటాల శివ దర్శకత్వంలో ‘ఆచార్య’ సినిమాను పూర్తి చేసిన ఆయన.. ప్రస్తుతం మోహన్ రాజా దర్శకత్వంలో ‘గాడ్ ఫాదర్’ సినిమాలో నటిస్తున్నారు. దీని తరువాత బాబీ డైరెక్షన్ లో ఓ సినిమా, అలానే మెహర్ రమేష్ దర్శకత్వంలో ‘భోళా శంకర్’ సినిమాలు చేయబోతున్నారు. ఇప్పటికే ‘గాడ్ ఫాదర్’ సినిమాకి సంబంధించిన అప్డేట్స్ వరుసగా బయటకొస్తున్నాయి. ఈ సినిమాలో నటించే హీరోయిన్స్, మిగిలిన నటీనటులకు సంబంధించిన వార్తలు సోషల్ మీడియాలో చక్కర్లు కొడుతున్నాయి.
ఈ క్రమంలో తాజాగా ఈ సినిమాకి సంబంధించిన మరో ఆసక్తికర విషయం సోషల్ మీడియాలో చక్కర్లు కొడుతోంది. ఈ సినిమాకి తమన్ సంగీతం అందిస్తోన్న సంగతి తెలిసిందే. ఇందులో పాటలకు మరింత హైప్ క్రియేట్ చేయడానికి హాలీవుడ్ పాప్ సింగర్ ను రంగంలోకి దించబోతున్నాడట తమన్. బ్రిట్నీ స్పియర్స్ తో ఓ పాట పాడించాడని తమన్ ప్లాన్ చేస్తున్నట్లు సమాచారం. దీని గురించి ఆమెతో చర్చినట్లు తెలుస్తోంది. ఇదే నిజమైతే ‘గాడ్ ఫాదర్’ మేకర్స్ ఆమెకి భారీ రెమ్యునరేషన్ ఇవ్వాల్సి ఉంటుంది.
ఎందుకంటే ఆమె ఒక్కో పాటకు రూ.20 నుంచి రూ.30 కోట్ల వరకు తీసుకుంటుంది. ఇంత డిమాండ్ ఉన్న ఆమెతో చిరు సినిమాలో పాట పాడిస్తారా..? లేక ఇది కేవలం వార్తలకే పరిమితమవుతుందా అనే విషయంలో క్లారిటీ రావాల్సివుంది..!
Most Recommended Video
సమంత- నాగచైతన్య మాత్రమే కాదు టాలీవుడ్లో ఇంకా చాలా మంది ఉన్నారు..!
‘రిపబ్లిక్’ మూవీలో గూజ్ బంప్స్ తెప్పించే డైలాగులు ఇవే..!
టాలీవుడ్ స్టార్ హీరోల ఇష్టమైన కార్లు..వాటి ధరలు
