Vakeel Saab: వకీల్ తో పవన్ ఫ్యాన్స్ కల నెరవేరుతుందా..?

టాలీవుడ్ ఇండస్ట్రీలో భారీగా ఫ్యాన్ ఫాలోయింగ్ ఉన్న హీరోలలో పవన్ కళ్యాణ్ ఒకరు. తిరుగులేని మాస్ ఇమేజ్ ఉన్న పవన్ కళ్యాణ్ కెరీర్ లో ఇప్పటివరకు 100 కోట్ల రూపాయల షేర్ కలెక్షన్లు సాధించిన సినిమా ఒక్కటి కూడా లేదు. టాలీవుడ్ మార్కెట్ 100 కోట్లు దాటే సమయానికి పవన్ సినిమాలు తగ్గించడం, అజ్ఞాతవాసి సినిమా తరువాత సినిమాలకు గ్యాప్ ఇవ్వడం వల్ల పవన్ కళ్యాణ్ ఈ రికార్డును సొంతం చేసుకోలేకపోయారు.

దాదాపు మూడు సంవత్సరాల విరామం తరువాత పవన్ కళ్యాణ్ వకీల్ సాబ్ సినిమాలో నటించగా ఈ సినిమాతో పవన్ కలెక్షన్లపరంగా కొత్త రికార్డులు క్రియేట్ చేస్తారని ఈ సినిమాతో 100 కోట్ల రూపాయల షేర్ కలెక్షన్లను సాధిస్తారని పవన్ ఫ్యాన్స్ భావిస్తున్నారు. బాలీవుడ్ లో బ్లాక్ బస్టర్ హిట్టైన పింక్ కు రీమేక్ గా తెరకెక్కిన వకీల్ సాబ్ తొలిరోజు నుంచే భారీగా కలెక్షన్లను సాధిస్తోంది. బాక్సాఫీస్ దగ్గర వకీల్ సాబ్ కు పోటీనిచ్చే సినిమా ఏదీ లేదు.

అయితే వకీల్ సాబ్ జోరుకు కరోనా బ్రేకులు వేసే అవకాశాలు ఉన్నాయి. పెరుగుతున్న కరోనా కేసుల వల్ల థియేటర్లకు వచ్చే ఆడియన్స్ సంఖ్య అంతకంతకూ తగ్గుతోంది. అయితే కేసులు పెరుగుతున్నా వకీల్ సాబ్ ఈ వీకెండ్ నాటికి 100 కోట్ల రూపాయల షేర్ కలెక్షన్లను సాధిస్తుందని పవన్ ఫ్యాన్స్ అభిప్రాయపడుతున్నారు. వకీల్ సాబ్ సెంచరీ కొడతారా..? ఫ్యాన్స్ కలను నెరవేరుస్తారా..? అనే ప్రశ్నలకు సమాధానం తెలియాలంటే కొన్ని రోజులు ఆగాల్సిందే.

Most Recommended Video

‘వకీల్ సాబ్ ‘ నుండీ ఆకట్టుకునే 17 పవర్ ఫుల్ డైలాగులు!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!
లాయర్ గెటప్ లలో ఆకట్టుకున్న 12 మంది హీరోలు వీళ్ళే..!