ఏప్రిల్ నుంచి ఉయ్యాలవాడ నరసింహా రెడ్డి రెగ్యులర్ షూటింగ్

ఖైదీ నంబర్ 150 సినిమా ఇచ్చిన ఉత్సాహంతో మెగాస్టార్ చిరంజీవి 151 సినిమాకు సిద్ధమవుతున్నారు. ఈ ఫిల్మ్ ని కూడా కొణిదెల ప్రొడక్షన్ బ్యానర్లో రామ్ చరణే నిర్మిస్తున్నారు. మెగా హీరోలకు రేసుగుర్రం, ధృవ వంటి సూపర్ హిట్ చిత్రాలను ఇచ్చిన స్టైలిష్ డైరక్టర్ సురేందర్ రెడ్డి ఈసారి మెగాస్టార్ ని డైరక్ట్ చేయనున్నారు. స్వాతంత్ర సమరయోధుడు  ఉయ్యాల వాడ నరసింహా రెడ్డి జీవితం ఆధారంగా తెరకెక్కుతోన్న ఈ సినిమాకి ప్రీ ప్రొడక్షన్ వర్క్ వేగంగా జరుగుతోంది. ప్రముఖ రచయితలు పరుచూరి బ్రదర్స్ ఈ కథకు భారీ డైలాగులు జోడించే పనిలో ఉన్నారు. ఇందులో హీరోయిన్ గా శృతిహాసన్ ని తీసుకోవాలని నిర్మాత రామ్ చరణ్ ఆలోచిస్తున్నారు.

తాజాగా ఈ సినిమా ప్రారంభం విషయంలో ఓ నిర్ణయానికి వచ్చినట్లు తెలిసింది. ఏప్రిల్ నుంచి సెట్స్ మీదకు తీసుకు వెళ్లనున్నట్లు సమాచారం. ఈ కథ 1840 లో జరిగింది కావున ఆనాటి వాతావరణాన్ని కళ్లకు కట్టేందుకు మగధీర, బాహుబలి కి గ్రాఫిక్స్ హంగులు అందించిన కనల్ కణ్ణన్  ని తన టీమ్ లోకి నిర్మాత తీసుకున్నారు.

Also, do SUBSCRIBE to our YouTube channel to get latest Tollywood updates.