Chiranjeevi, Maruthi: మెగాస్టార్ మారుతి కాంబోలో మూవీ.. కానీ?

టాలీవుడ్ స్టార్ హీరో చిరంజీవి ఒకవైపు స్టార్ డైరెక్టర్లకు తన సినిమాలకు దర్శకత్వం వహించే ఛాన్స్ ఇస్తూనే మరోవైపు టాలెంట్ ఉన్న యంగ్ డైరెక్టర్లను సైతం ప్రోత్సహిస్తున్నారు. వరుసగా కొత్త సినిమాలకు కమిటవుతూ ఆ సినిమాలు హిట్ అయ్యే విధంగా చిరంజీవి జాగ్రత్తలు తీసుకుంటున్నారు. ఆచార్య సినిమా దాదాపుగా పూర్తి కాగా లూసిఫర్ రీమేక్, చిరు బాబీ కాంబో మూవీ నెల రోజుల గ్యాప్ తో మొదలవుతాయని ఇండస్ట్రీ వర్గాల భోగట్టా.

తాజాగా చిరంజీవి మారుతి చెప్పిన కథకు గ్రీన్ సిగ్నల్ ఇచ్చారని సమాచారం. సక్సెస్ రేట్ ఎక్కువగా ఉన్న డైరెక్టర్లలో ఒకరైన మారుతికి టాలెంట్ ఉన్నప్పటికీ స్టార్ హీరోల సినిమాకు దర్శకత్వం వహించే అవకాశాలు ఎక్కువగా రావడం లేదు. చిరంజీవితో సినిమాను తెరకెక్కించి హిట్ సాధిస్తే మారుతి స్టార్ డైరెక్టర్ల జాబితాలో చేరే అవకాశాలు అయితే ఉంటాయి. మారుతి చెప్పిన కథకు చిరంజీవి గ్రీన్ సిగ్నల్ ఇచ్చినట్టు సమాచారం. గీతా ఆర్ట్స్ బ్యానర్ లో ఈ సినిమా తెరకెక్కే అవకాశాలు ఉన్నాయని వార్తలు వస్తుండగా ఆ వార్తలో నిజానిజాలు తెలియాల్సి ఉంది.

ఫ్యామిలీ ఆడియన్స్ మెచ్చే కథలను ఎక్కువగా తెరకెక్కిస్తున్న మారుతి చిరంజీవి కోసం ఎలాంటి కథను సిద్ధం చేశారో తెలియాల్సి ఉంది. సెకండ్ ఇన్నింగ్స్ లో గీతా ఆర్ట్స్ లో నటించని చిరంజీవి త్వరలో ఆ బ్యానర్ లో నటిస్తారేమో చూడాల్సి ఉంది. అయితే చిరంజీవి వరుస సినిమాలతో బిజీగా ఉండటంతో మెగాస్టార్ మారుతి కాంబో మూవీ ఎప్పుడు మొదలవుతుందనే ప్రశ్నకు సమాధానం తెలియడం లేదు.

Most Recommended Video

ఇష్క్ మూవీ రివ్యూ & రేటింగ్!
తిమ్మరుసు మూవీ రివ్యూ & రేటింగ్!
‘నారప్ప’ మూవీ నుండీ అదిరిపోయే డైలాగులు..!